قومی ٹیم کے فاسٹ بولر نسیم شاہ 20 برس کے ہوگئے
نسیم شاہ کی مقامہ ہوٹل میں سالگرہ کی تقریب کا اہتمام، فرنچائز کے کھلاڑیوں اور انتظامیہ کی شرکت
پاکستان کرکٹ ٹیم کے نوجوان فاسٹ بولر اور پی ایس ایل 8 میں کوئٹہ گلیڈی ایٹرز کی نمائندگی کرنے والے نسیم شاہ 20 برس کے ہوگئے۔
کوئٹہ گلیڈی ایٹرز فرنچائز کی انتظامیہ نے مقامی ہوٹل میں فاسٹ بولر کی سالگرہ کی تقریب کا اہتمام کیا، اس موقع پر نسیم شاہ نے کیک کاٹا اور ٹیم انتظامیہ کا شکریہ ادا کیا۔
تقریب میں ٹیم منیجر اعظم خان، ہیڈ کوچ سابق ٹیسٹ کپتان معین خان، کپتان سرفراز احمد، بولنگ کوچ عمر گل،جیسن رائے اور دیگر کھلاڑیوں و آفیشلز نے شرکت کی اور نسیم شاہ کو سالگرہ کی مبارکباد پیش کی۔
علاوہ ازیں نسیم شاہ کو فرنچائز و قومی ٹیم کے ساتھی کھلاڑیوں نے بھی مبارک باد پیش کی۔