پی ایس ایل عامر عماد اور بابراعظم کے درمیان کوئی ’’رنجش‘‘ ضرور ہے احمد شہزاد

کچھ چیزیں باہر آہستہ آہستہ باہر آتی ہیں اور ہمیں گراؤنڈ میں مزید نظر آئیں گی، قومی کرکٹر (فوٹو: ایکسپریس ویب)

---

قومی کرکٹ ٹیم کے اوپنر احمد شہزاد کا کہنا ہے کہ محمد عامر، عماد وسیم اور بابراعظم کے درمیان کوئی رنجش ضرور ہے۔

کرکٹ پاکستان کے خصوصی پروگرام میں تبصرہ کرتے ہوئے اوپنر احمد شہزاد نے کہا کہ پاکستان سپر لیگ (پی ایس ایل) کے آٹھویں سیزن کے آغاز سے قبل محمد عامر اور عماد وسیم کی جانب سے دیئے گئے بیانات کی وجہ سے لگتا ہے کہ کپتان بابراعظم کیساتھ دونوں کے معاملات ٹھیک نہیں ہیں۔

انہوں نے کہا کہ ٹی وی پر گردش کررہے بیانات کو غور سے پڑھیں تو لگتا ہے کہ یہ دشمنی پی ایس ایل 8 کو ہائپ دے رہی ہے، میرے خیال میں بعض اوقات دل میں کچھ چیزیں ہوتی ہیں جو باہر آہستہ آہستہ باہر آتی ہیں اور ہمیں گراؤنڈ میں مزید نظر آئیں گی۔

مزید پڑھیں: پی ایس ایل؛ بابراعظم کا موازنہ '' ٹیل اینڈر'' سے کرنے پر شاہین آفریدی حیران

قبل ازیں شاہین شاہ آفریدی نے بابراعظم کے حوالے سے محمد عامر کے حالیہ بیان پر حیرانگی کا اظہار کرتے ہوئے کہا تھا کہ بابر قومی ٹیم کے کپتان ہیں ہم انکی عزت کرتے ہیں ہم نہیں کریں گے تو کون کرے گا؟۔

دوسری جانب لیگ اسپنر یاسر شاہ نے محمد عامر کو تنقید کا نشانہ بناتے ہوئے کہا تھا کہ بلے باز کو پویلین کی راہ دکھانے کیلئے بالر کو صرف ایک اچھی گیند پھینکنے کی ضرورت ہوتی ہے لیکن غلط الفاظ کا انتخاب ضروری نہیں، عامر کو خود پر بھروسہ ہے تاہم اسے اس بات کا احساس کرنا چاہیے کہ بالر کا بھی برا دن ہوتا ہے۔

مزید پڑھیں: بابر کیخلاف بیان پر یاسر شاہ نے عامر کو آئینہ دکھا دیا

واضح رہے کہ پاکستان سپر لیگ (پی ایس ایل) کے آٹھویں سیزن میں کراچی کنگز اور پشاور زلمی کے میچ سے قبل محمد عامر نے چونکا دینے والا بیان دیتے ہوئے کہا تھا کہ میرا کام وکٹ لینا اس سے قطع نظر کون سا بلےباز کریز پر موجود ہے، خواہ وہ بابراعظم ہوں یا کوئی ٹیلنڈر! بالنگ کروانا یکساں ہے۔

مزید پڑھیں: پی ایس ایل8؛ بابراعظم ہوں یا کوئی ٹیلنڈر! بالنگ کروانا یکساں ہے، عامر

اس میچ میں پشاور زلمی نے سنسنی خیز مقابلے کے بعد کراچی کنگز کو 2 رنز سے شکست دی تھی جبکہ کپتان بابراعظم نے 46 گیندوں پر 68 رنز کی اننگز کھیل کے مداحوں سے داد سمیٹی تھی۔ میچ کے دوران عامر نے اپنے 4 اوورز کے کوٹے میں بغیر کسی وکٹ کے 42 رنز لٹائے تھے۔

Ahmad Shahzad on rivalry between Babar Azam, Amir and Imad Wasim

“Sometimes, people have things in their heart, which are slowly coming out. We might also see them in the ground”

Watch full video: https://t.co/zrGX2OGBqF#cricket pic.twitter.com/ehr1XArEBv

— Cricket Pakistan (@cricketpakcompk) February 17, 2023