خیریت سے ہوں مداح پریشان نہ ہوں جاوید میاں داد

سابق کرکٹر کے مختلف ٹیسٹ کیے جارہے ہیں، اسپتال ذرائع (فوٹو: ٹوئٹر)

---

سابق ٹیسٹ کرکٹر جاوید میاںداد نے طبیعت خرابی اور اسپتال میں داخل ہونے کی خبروں پر کہا ہے کہ ان کی حالت ٹھیک ہے اور وہ میڈیکل چیک اپ کے لیے اسپتال آئے تھے جلد گھر روانہ ہوجائیں گے۔

ایکسپریس نیوز کے مطابق میڈیا میں خبریں گردش کررہی تھیں کہ جاوید میاں داد کی طبیعت خراب ہے اور وہ اسپتال میں زیر علاج ہیں جس پر جاوید میاں داد کا وضاحتی پیغام سامنے آیا ہے۔

جاوید میاں داد نے اپنے ویڈیو بیان میں کہا ہے کہ میں اپنے چاہنے والوں کا شکر گزار ہوں کہ انہوں ںے میری طبیعت خرابی پر تشویش کا اظہار کیا، میری طبیعت زیادہ خراب نہیں، سر میں درد کے سببب چیک اپ کے لیے آیا تھا کوئی فکر کی بات نہیں ہے، دنیا بھر میں جہاں بھی مجھ سے محبت کرنے والے موجود ہیں وہ پریشان نہ ہوں میں کچھ دیر میں اسپتال سے گھر روانہ ہوجاؤں گا۔

Special message by legendary cricketer #JavedMiandad on various news circulating on social media regarding his health.

By the grace of Allah Almighty, Javed Miandad went for a regular checkup and is in good health. He also thanked millions of his followers for their messages: pic.twitter.com/lYiNcZKnIg

— PTV Sports (@PTVSp0rts) February 17, 2023

 

واضح رہے کہ سابق کرکٹر کو موٹروے پولیس کراچی کے تحت ٹول پلازا پر تقریب میں شرکت کرنا تھی۔