تھائی لینڈ میں شوہر نے بیوی سے اظہار محبت کے لیے میرج سرٹیفکیٹ کا ٹیٹو بنوا لیا۔

تھائی لینڈ سے تعلق رکھنے والے شخص وال نے میرج سرٹیفکیٹ والے ٹیٹو کی تصویر سوشل میڈیا پر شئیر کی جو دیکھتے ہی دیکھتے وائرل ہوگئی۔

غیرملکی میڈیا کے مطابق میرج سرٹیفکیٹ کا ٹیٹو بنانے میں آرٹسٹ کو 8 گھنٹے لگے۔ وال کی بیوی ان کے ہاتھ پر میرج سرٹیفکیٹ کا ٹیٹو دیکھ کر پہلے حیران اور پھر خوش ہوگئیں۔

ٹیٹو آرٹسٹ کا کہنا ہے کہ اس نے پہلی مرتبہ کسی میرج سرٹیفکیٹ کا ٹیٹو بنایا ہے۔ سوشل میڈیا صارفین نے ٹیٹو بنوانے والے شخص کی اپنی بیوی سے محبت کو سراہا اور اسے مثالی قرار دیا۔