کراچی میں نصف قیمت والے ٹکٹ آن لائن فروخت نہیں ہوں گے

پی ایس ایل سیزن 8 کے لیے کراچی میں شیڈول میچز کے لیے آدھی قیمت والے ٹکٹ آن لائن فروخت نہیں کیے جائیں گے۔


پی سی بی کے مطابق نیشنل اسٹیڈیم کراچی میں کھیلے جانے والے پی ایس ایل 8 کے میچز کے نصف قیمت والے ٹکٹس کی فروخت کے لیے شہر کے تین مقامات پر پوائنٹ بنائے گئے ہیں۔

نصف قیمت والے ٹکٹس اضعر علی شاہ اسٹیڈیم، پی ڈی اے اے آفس جوہر موڑ اور چائنا گراؤنڈ میں دستیاب ہوں گے۔ پی ایس ایل میچز دیکھنے کے 18 برس سے کم عمر شائقین کو ذاتی طور پر جا کر ٹکٹ خریدنا ہوگا اور ٹکٹ خریدنے کے لیے ب فارم دکھانا بھی لازمی ہوگا۔