احسن اقبال نے لگژری لینڈ کروزر گاڑی حکومت کو واپس کردی

وزیر منصوبہ بندی کا 4500 سی سی گاڑی واپس کرکے 1800 سی سی گاڑی استعمال کرنے کا فیصلہ

---

ملک کے مشکل معاشی حالات میں وفاقی وزیر احسن اقبال نے قابل ستائش فیصلہ کرتے ہوئے لگژری لینڈکروزر وی ایٹ حکومت کوواپس کر دی۔

موجودہ معاشی حالات کے پیش نظر حکومتی وزراء نے اقدامات شروع کردیے۔ وزیر منصوبہ بندی احسن اقبال نےلگژری لینڈکروزر وی ایٹ حکومت کوواپس کر دی۔

وزیر منصوبہ بندی نے اپنی 4500 سی سی گاڑی واپس کرکے اخراجات پر قابو پانے کیلئے 1800 سی سی گاڑی استعمال کرنے کا فیصلہ کر لیا۔

وزیرمنصوبہ بندی نے گاڑی کابینہ ڈویژن کو واپس بھجوا دی۔احسن اقبال کا کہنا ہے کہ معاشی حالات کی وجہ سے حکومت سخت اقدامات پر مجبور ہے،عوام تباہ حال معیشت کی وجہ سے اضافی بوجھ اٹھا رہے ہیں۔

انہوں نے کہا کہ مہنگی دیکھ بھال اور زیادہ پٹرول کھانے والی گاڑی کی بجائے چھوٹی گاڑی کو ترجیح دیتا ہوں۔

یاد رہے کہ اس سے قبل مسلم لیگ ن کے وفاقی وزراء کی جانب سے حکومت سے تنخواہیں نہ لینے کا فیصلہ بھی کیا گیا ہے۔

ملک کی خراب معاشی صورت حال ،، وفاقی وزیر احسن اقبال نے بڑی گاڑی واپس کر دی۔ امید ہے دیگر وزراء اعلی عہدیدران اور اعلی سرکاری ملازمین بھی ایسے اقدامات کریں گے pic.twitter.com/fqQ9dZkLmK

— Zohaib Zikar (@zikar_zohaib) February 18, 2023