امریکا میں 6 سالہ بچی نے اپنی دادی کو گولی ماردی

57 دالہ دادی کو 6 سالہ پوتی نے کار میں غلطی سے گولی مار دی، فوٹو: فائل

---

امریکی ریاست فلوریڈا میں پچھلی نشست پر بیٹھی پوتی نے کار چلانے والی اپنی 57 سالہ دادی کو گولی ماردی۔

فوکس نیوز کے مطابق یہ واقعہ اس وقت پیش آیا جب پوتی اور دادی کسی کام سے واپس گھر آرہے تھے۔ ڈرائیونگ نشست کے پشت پر بیگ میں پستول رکھی تھی جسے پوتی نے نکال لیا اور کھیلنے لگی۔

اسی دوران گولی چل گئی جو سیدھے دادی کے کمر کے نچلے حصے میں لگی تاہم انھوں نے اپنے اوسان کو بحال رکھا اور ڈرائیونگ کرتے ہوئے گھر پہنچنے میں کامیاب ہوگئیں۔

گھر پہنچ کر دادی نے ریسکیو ادارے کو فون کیا جس پر امدادی کارکن ان کے گھر پہنچے اور ہیلی کاپٹر کے ذریعے بڑے اسپتال منتقل کیا جہاں ایک آپریشن کے ذریعے گولی کو نکال دیا گیا۔

دادی کی حالت اب خطرے سے باہر ہے تاہم وہ ابھی دون تین دن ڈاکٹرز کی زیر نگرانی اسپتال میں ہی رہیں گی۔

پوتی کو پولیس نے چائیلڈ پروٹیکشن منتقل کیا جہاں ماہرین نے بچی کا انٹرویو کیا جس میں ثابت ہو گیا کہ بچی سے گولی غلطی سے چلی تھی۔

پولیس نےدادی کو پستول رکھنے کے حفاظتی تدابیر پر مکمل عمل درآمد کرنے کی ہدایت کی۔