پاکستان معاشی مشکلات کا شکار تاہم دیوالیہ نہیں ہورہا وزیرخارجہ

آئی ایم سے مذاکرات جاری ہیں پاکستان جلد معاشی بحران سے نکل آئے گا، بلاول بھٹو زرداری


ویب ڈیسک February 20, 2023
افغانستان کی صورتحال امریکا کے ملک سے جانے کا نتیجہ ہے، بلاول بھٹو:اسکرین گریب

وزیرخارجہ بلاول بھٹو زرداری نے کہا ہے کہ پاکستان معاشی مشکلات کا شکار ہے تاہم دیوالیہ نہیں ہورہا۔

وزیرخارجہ بلاول بھٹو زرداری نے غیر ملکی میڈیا کو انٹرویو میں پاکستان کے دیوالیہ ہونے سے متعلق سوال کے جواب میں کہا کہ پاکستان کی معیشت مشکلات کا شکار ہے تاہم پاکستان دیوالیہ نہیں ہورہا ہے۔ آئی ایم ایف سے مذاکرات جاری ہیں۔


انہوں نے کہا کہ کورونا وبا، یوکرین میں جنگ اور عالمی معیشت کے اثرات پاکستان کی معیشت پر بھی ہوئے ہیں۔سیلاب نے پاکستانی معیشت کے لیے مشکل صورتحال پیدا کی ہے۔
بلاول بھٹو کا مزید کہنا تھا کہ پاکستان کو دہشتگردی کی نئی لہر کا سامنا ہے جس کا اثر معیشت پر ہوتا ہے۔ عالمی قرضے مختصر اور طویل مدت کا معاملہ ہوتا ہے۔ پاکستان موجودہ بحران سے جلد نکل آئے گا۔
انہوں نے کہا کہ افغان طالبان کو داعش کے علاوہ کسی سے خطرہ نہیں ہے۔ افغانستان کی موجودہ صورتحال امریکا اور نیٹو کے افغانستان کو چھوڑ کرچلے جانے کا نتیجہ ہے۔پاکستان نے افغانستان کی مدد کی ہے اور آئندہ بھی کرتا رہے گا۔

تبصرے

کا جواب دے رہا ہے۔ X

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔

مقبول خبریں