میسی ’’ورلڈکپ 2026‘‘ کھیلنے کا فیصلہ خود کریں گے کوچ

اگر انکی فٹنس برقرار رہتی ہے تو وہ ٹیم کا ہمراہ ہوں گے، اسکالونی (فوٹو: فائل)

---

قطر میں ارجنٹینا کو عالمی کپ جتوانے والی ٹیم کے کوچ لیونل اسکالونی نے شائقین کو یقین دلایا ہے کہ فیفا ورلڈکپ 2026 کھیلنے یا نہ کھیلنے کا فیصلہ میسی خود کریں گے۔

ارجنٹینا کے کوچ لیونل اسکالونی نے بتایا کہ اگلے ورلڈکپ میں شرکت کرنا میسی کا فیصلہ ہوگا، اگر انکی فٹنس برقرار رہتی ہے تو وہ ٹیم کا ہمراہ ہوں گے، ہمارے ٹائٹل جیتنے کے پیچھے شائقین، عملے اور کھلاڑیوں کی سپورٹ تھی جس سے ممکن ہوا۔

انہوں نے کہا کہ میرے جو الفاظ میسی کیلئے ہیں وہیں اینجل ڈی ماریا کیلئے بھی ہیں جب تک فٹ رہیں گے انہیں اسکواڈ کا حصہ بنایا جائے گا، وہ ورلڈکپ میں کچھ مسائل کے ساتھ پہنچے تھے، لیکن جب ہمیں ان کی ضرورت پڑی تو وہ ہمیشہ موجود تھے۔

مزید پڑھیں: میسی کے بھائی نے اسپینش فٹبال کلب بارسلونا سے معافی مانگ لی، مگر کیوں؟

دوسری جانب گزشتہ ماہ سے قیاس آرائیاں کی جارہی ہیں کہ میسی دوبارہ بارسلونا کلب کو جوائن کرسکتے ہیں، وہ اس وقت پیرس سینٹ جرمن کلب سے منسلک ہیں۔