مداح نے بالی وڈ کنگ شاہ رخ خان کو مقدمے کی دھمکی دیدی

’پٹھان‘ کے ساتھ شاہ رخ خان کی چار برس بعد سینما میں واپسی ہوئی ہے (فوٹو: انسٹاگرام)

---

بالی وڈ کنگ شاہ رخ خان کو ان کے ایک مداح نے اپنی عمر چھپانے پر پولیس میں ایف آئی آر درج کرانے کی دھمکی دی ہے۔

اداکار اپنے مداحوں سے گفتگو کیلئے اکثر ٹویٹر پر سوال جواب کا سیشن رکھتے ہیں اور وہیں یہ واقعہ پیش آیا ہے۔

ایک مداح نے فلم 'پٹھان' کے سیٹ سے اداکار کی ایک شرٹ کے بغیر تصویر شیئر کی اور دعویٰ کیا کہ شاہ رخ جھوٹ بولتے ہیں کہ ان کی عمر 57 برس ہے۔

Please mat karo yaar. Theek hai main hi maan jaata hoon I am 30 years old. There I have now told you the truth..and that's why, even my next film is called Jawan https://t.co/rIH1lnsAWm

- Shah Rukh Khan (@iamsrk) February 20, 2023

سوشل میڈیا صارف نے مذاق مذاق میں اداکار کو دھمکی دی کہ وہ عمر چھپانے پر شاہ رخ کے خلاف ایف آئی آر درج کرائیں گے۔

شاہ رخ خان نے مداح کو جواب دیتے ہوئے لکھا'' پلیز مت کرو یار، ٹھیک ہے،میں ہی مان جاتا ہوں کہ میں 30 برس کا ہوں، اب میں نے سچ بتادیا ہے اور اسی وہ سے میری اگلی فلم کا نام 'جوان' ہے۔