
آل راؤنڈر ندا ڈار نے 130 میچز میں 126 وکٹیں اپنے نام کرکے ویسٹ انڈین اسپنر انیسہ محمد اور میگن شٹ کو پیچھے چھوڑدیا، وہ اب ویمنز ٹی 20 کرکٹ میں زیادہ وکٹیں اڑانے والی بولر بن گئیں، انھوں نے یہ سنگ میل انگلینڈ سے ویمنز ٹی 20 ورلڈ کپ میں عبور کیا۔
ویمنز ٹی 20 کرکٹ میں دوسرے نمبر پر انیسہ محمد نے 125 وکٹیں، میگن شٹ 122 وکٹوں کے ساتھ دوسرے اور الیس پیری 122 وکٹیں لے کر چوتھے نمبر پر ہیں۔
یہ بھی پڑھیں: ویمنز ٹی20 ورلڈ کپ؛ انگلینڈ نے پاکستان کو 114رنز سے روند دیا
گزشتہ ماہ انھیں آئی سی سی ویمنز ٹی 20 ٹیم آف دی ایئر 2022 میں بھی شامل کیا گیا تھا، ندا نے کپتان بسمہ کی عدم دستیابی پر انگلینڈ سے میچ میں قیادت سنبھالی تھی، انھوں نے اس مقابلے میں 47 رنز دے کر ایک وکٹ اپنے نام کی۔
A magnificent achievement 🌟
— ICC (@ICC) February 21, 2023
Pakistan’s Nida Dar is now the leading wicket-taker in women’s T20I history!#ENGvPAK | #T20WorldCup | #TurnItUp pic.twitter.com/1oMsiNaN5k
تبصرے
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔