میچ کے دوران ویمن فٹبالرز نے مرد ریفری کی پٹائی لگادی۔

کانگو میں ایک فٹبال میچ کے دوران ویمنز کھلاڑیوں نے ریفری کی پٹائی لگادی، میچ کے دوران 5-1 کے خسارے میں جانے والی ٹیم ڈی موٹیما نے پنالٹی نہ دینے پر ہنگامہ کھڑا کردیا اور مرد ریفری کو مارنے کی کوشش کی، جس پر وہ فیلڈ سے بھاگ کھڑے ہوئے تاہم کھلاڑیوں نے پیچھے دوڑ کر انھیں پکڑا اور مارنا شروع کردیا۔

اس دوران وہ خود کو چھڑاکر پھر بھاگے اور ڈگ آؤٹ کے پیچھے جا چھپے، وہاں پر بھی کھلاڑیوں نے انھیں گھیر لیا، مذکورہ آفیشل کو بڑی مشکل سے چھڑایا گیا۔