گاؤں سے آئے لوگ ہیں اللہ نے عزت دی ہے اسکا سوال ہوگا شاداب کا انٹرویو وائرل

فیملی اور میں کوشش کرتے ہیں کہ پہلے جیسی سادہ زندگی گزاریں، کپتان اسلام آباد یونائیٹڈ

ویب ڈیسک February 22, 2023

فیملی اور میں کوشش کرتے ہیں کہ پہلے جیسی سادہ زندگی گزاریں، کپتان اسلام آباد یونائیٹڈ (فوٹو: فائل)

پاکستان سپر لیگ (پی ایس ایل) کی معروف فرنچائز اسلام آباد یونائیٹڈ کے کپتان شاداب خان کا کہنا ہے کہ گاؤں سے آئے ہوئے لوگ ہیں، سادہ زندگی گزارنا پسند کرتے ہیں۔

ایکسپریس نیوز کے سلیم خالق کو دیئے گئے انٹرویو میں اسلام آباد یونائیٹڈ کے کپتان شاداب خان نے کہا کہ ذاتی طور پر سمجھتا ہوں کہ اللہ تعالیٰ ہمیں سب کچھ دیکر آزماتا ہے، اس لیے کوشش ہوتی ہے کہ سادہ زندگی گزاروں، اللہ نے عزت دی ہے اسکا سوال بھی ہوگا؟۔

انہوں نے کہا کہ گاؤں سے آئے ہوئے لوگ ہیں، اس لیے سادہ زندگی کو اپنانے کی کوشش کرتے ہیں! گھر جاکر وہی زمین پر سوتا ہوں اس پر مجھے سکون ملتا ہے، میری کوشش ہوتی ہے کہ میں آج بھی ویسا ہی رہوں۔

مزید پڑھیں: شاہد آفریدی نے شاہین کو کس غلطی کو درست کرنے کا مشورہ دیا؟ تصاویر وائرل

شاداب خان نے کہا کہ مجھ میں اداکاری یا دکھاوا نہیں، ہر انسان برابر ہے، اللہ تعالیٰ نے ہمیں کچھ دیکھ کر عطا کیا ہے یو غرور تکبر کیسے ہوگا؟۔