چین نے پاکستان کیلیے 700 ملین ڈالرفنانسنگ کی منظوری دے دی وزیر خزانہ

چائنا ڈیولپمنٹ بینک کی جانب سے رقم کی منتقلی کے لیے کارروائی مکمل ہوگئی ہے،اسحاق ڈار:فوٹو:فائل

---

وفاقی وزیر خزانہ اسحاق ڈار نے کہا ہے کہ چائنا ڈویلپمنٹ بینک نے پاکستان کے لیے 700 ڈالرز فنانسنگ کی منظوری دے دی۔

وزیرخزانہ اسحاق ڈار نے ٹوئٹ میں کہا کہ چائنا ڈیوپلمنٹ بینک کی جانب سے پاکستان کو 700 ملین ڈالر فراہم کرنے کے لیے معمول کی تمام کارروائی مکمل ہوگئی ہے۔ چین سے رواں ہفتے رقم ملنے کی امید ہے۔

Formalities completed and Board of China Development Bank has approved the facility of US $ 700 million for Pakistan. This amount is expected to be received this week by State Bank of Pakistan which will shore up its forex reserves!

— Ishaq Dar (@MIshaqDar50) February 22, 2023

اسحاق ڈار کا کہنا تھا کہ اسٹیٹ بینک کو 700 ملین ڈالر رواں ہفتے ملنے کی امید ہے جس کے بعد بینک کے زر مبادلہ کے ذخائر میں اضافہ ہو جائے گا۔

مزید پڑھیں: پاکستان کا چین کے ساتھ 700 ملین ڈالر کمرشل قرضے کا معاہدہ

پاکستان اور چائنا ڈیولپمنٹ بینک کے درمیان معاہدہ گزشتہ ہفتے طے پایا تھا۔ یہ پیش رفت 300ملین ڈالر کے ایک اورچینی کمرشل قرضے کی واپسی کی تاریخ سے کچھ دن پہلے ہوئی ہے۔