آئی سی سی رینکنگ ٹیسٹ میں 40 سالہ جیمز اینڈرسن پہلی پوزیشن پر آگئے

ون ڈے، ٹیسٹ اور ٹی20 بیٹرز کی رینکنگ میں بابر بالترتیب پہلے اور تیسرے نمبر پر قابض

ویب ڈیسک February 22, 2023

ون ڈے، ٹیسٹ اور ٹی20 بیٹرز کی رینکنگ میں بابر بالترتیب پہلے اور تیسرے نمبر پر قابض (فوٹو: ایکسپریس ویب)

انٹرنیشنل کرکٹ کونسل (آئی سی سی) نے نئی ٹیسٹ رینکنگ جاری کردی، ٹی20 انٹرنیشنلز میں محمد رضوان دوسرے جبکہ کپتان بابراعظم میں تیسری پوزیشن پر موجود ہیں۔

آئی سی سی کی جاری کردہ نئی رینکنگ کے مطابق ٹیسٹ بالرز میں انگلیںڈ کے 40 سالہ جیمز اینڈرسن نے 866 پوائنٹس کے ساتھ پہلی پوزیشن حاصل کرلی ہے جبکہ بھارت کے روی چندران ایشون 864 پوائنٹس کے ہمراہ دوسری پوزیشن پر قابض ہیں، آسٹریلیا کے پیٹ کمنز کی 2 درجے تنزلی ہوئی ہے اور وہ 858 پوائنٹس کے ساتھ تیسرے نمبر پر آگئے ہیں۔

دوسری جانب آئی سی سی کی ون ڈے، ٹیسٹ اور ٹی20 اور ٹیسٹ بیٹرز کی رینکنگ میں کوئی نمایاں تبدیلی نہیں ہوئی جبکہ ون ڈے میں کپتان بابراعظم پہلے جبکہ امام الحق کا پانچواں نمبر موجود ہیں۔

مزید پڑھیں: آئی سی سی رینکنگ؛ بابراعظم کی ون ڈے میں پہلی، ٹی20 میں تیسری پوزیشن

اسی طرح ٹی20 اور ٹیسٹ میں کپتان بابراعظم تیسرے جبکہ ون ڈے میں پہلی پوزیشن پر قابض ہیں۔

واضح رہے کہ آل راؤنڈرز کے ٹاپ 5 پلئیرز میں کوئی پاکستانی کھلاڑی شامل نہیں۔