فرانس 16 سالہ طالبعلم نے چھری سے وار کرکے ٹیچر کو قتل کردیا

طالب علم نے کہا کہ اسے ٹیچر کے قتل کے لیے کان میں آوازیں آتی تھیں، فوٹو: فائل

---

فرانس میں 16 سالہ طالب علم نے کلاس روم میں استاد کو تیز دھار چھری سے وار کرکے قتل کردیا۔

عالمی خبر رساں ادارے کے مطابق فرانس میں بورڈیوکس کے قریب رومن کیتھولک اسکول میں ہسپانوی زبان پڑھانے والی 50 سالہ استانی کو لیکچر کے دوران طالب علم نے قتل کردیا۔

قاتل طلبہ کے ہم جماعتوں نے بتایا کہ 16 سالہ طالب علم اپنی نشست سے اُٹھا اور استانی کے قریب پہنچ کر تحمل سے کوئی بات کرنے لگا۔ پھر وہ دروازے کی جانب بڑھا اور دروازہ بند کر کے ٹیچر کی جانب لپکا۔

پلک جھپکتے میں طالب علم نے استانی کے سینے پر چھری کے پے در پے وار کیے جس سے ان کی موقع پر ہی موت واقع ہوگئی جب کہ طالب علم آلہ قتل سمت بھاگ کھڑا ہوا۔

بعد ازاں پولیس نے تعاقب کے بعد طالب علم کو گرفتار کرکے آلہ قتل بھی برآمد کرلیا۔ طالب علم نے اعترافی بیان میں کہا کہ اسے کان میں آوازیں آتی تھیں کہ خاتون ٹیچر کو قتل کردو۔