جیمز ونس کو رن آؤٹ کرانے پر حیدر علی تنقید کا نشانہ بن گئے

کارکردگی میں عدم تسلسل کا شکار نوجوان بیٹر ملتان سلطانز کیخلاف اس میچ میں بھی 12رنز پر آؤٹ ہوگئے۔ فوٹو : پی ایس ایل

---

ملتان سلطانز کیخلاف میچ میں ان فارم جیمز ونس کو رن آؤٹ کرانے پر حیدر علی تنقید کا نشانہ بن گئے۔

پی ایس ایل 8 کی تیز ترین ففٹی بنانے والے اوپنر تیزی سے سنچری کی جانب گامزن تھے، کراچی کنگز کو بھی ہدف کا حصول آسان نظر آرہا تھا مگر جیمز ونس کی اننگز کا 75پر اختتام ہوتے ہی پانسہ پلٹ گیا۔

ابھی تک کارکردگی میں عدم تسلسل کا شکار نوجوان بیٹر ملتان سلطانز کیخلاف اس میچ میں بھی 12رنز پر آؤٹ ہوگئے، سوشل میڈیا پر صارفین کی اکثریت حیدر علی پر تنقید کرتی رہی۔