ترکیہ زلزلے میں خدمات انجام دینے والے پاکستانی رضاکاروں کو شاندار خراج تحسین

پاکستانی رضا کاروں کی ٹیم نے ترکیہ کے زلزلے سے متاثرہ علاقوں میں امدادی کارروائیوں میں حصہ لیا:فوٹو:سوشل میڈیا

---

ترکیہ کے زلزلے میں خدمات انجام دینے والی پاکستانی ٹیم کو وطن واپسی کے موقع پر شاندار خراج تحسین پیش کیا گیا۔

پاکستانی رضاکاروں کو ترکوں کی جانب سے دئیے گئے خراج تحسین کی ویڈیو سوشل میڈیا پر وائرل ہوگئی۔ ویڈیو میں دیکھا جا سکتا ہے کہ پاکستان کی ریسکیو 1122 کی ٹیم کے ارکان وطن واپسی کے لیے ائیرپورٹ پہنچے تو ائیرپورٹ کے عملے نے پاکستانی ٹیم کی خدمات کو سراہا اور تالیوں کی گونج میں انہیں رخصت کیا۔

پاکستان کی ریسکیو 1122 ٹیم کو خراج تحسین
ترکیہ میں زلزلہ سے متاثرہ علاقوں میں امدادی کام مکمل کر کے جب پاکستانی ریسکیو ٹیم ایئرپورٹ پر وطن واپسی کے لئے پہنچی تو ایئرپورٹ پر ایئرپورٹ کے عملے نے تالیاں بجا کر پاکستانی ٹیم کا شکریہ ادا کیا اور ان کی خدمات کو خراج تحسین پیش کیا pic.twitter.com/a5RcnVwmiu

— ترکیہ اردو (@TurkiyeUrdu_) February 23, 2023

پاکستانی رضا کاروں نے شاندار خراج تحسین پر ائیرپورٹ کے عملے کا شکریہ ادا کیا۔