کراچی کنگز کی شکستوں کی وجہ کیا بابراعظم کا دلچسپ جواب ویڈیو وائرل

یونائیٹڈ سے شکست کے بعد پوائنٹس ٹیبل پر زلمی کی ٹیم چوتھے نمبر پر آگئی (فوٹو: ایکسپریس ویب)

---

پاکستان سپر لیگ (پی ایس ایل) کے آٹھویں ایڈیشن میں پشاور زلمی کے کپتان بابراعظم نے کراچی کنگز کی شکستوں سے متعلق سوال پر دلچسپ جواب دے ڈالا۔

کراچی میں کھیلے گئے میچ میں پشاور زلمی کی ٹیم کو اسلام آباد یونائییڈ کے ہاتھوں یکطرفہ مقابلے کے بعد 6 وکٹوں سے شکست برداشت کرنا پڑی تھی، جس کے بعد پوائنٹس ٹیبل پر زلمی کی ٹیم چوتھے نمبر پر آگئی ہے۔

میچ میں شکست کے بعد پریس کانفرنس کرتے ہوئے بابراعظم سے صحافی نے سوال کیا کہ آپ کراچی کنگز چھوڑ گئے تو کافی بات ہو رہی تھی کہ کنگز کی کارکردگی میں بہتری آئے گی لیکن کنگز کو مسلسل شکستوں کا سامنا ہے آپ کو کیا لگتا ہے؟، اس پر ''بابراعظم نے جواب دیا کہ میں انکا کوچ تھوڑی ہوں!''۔

مزید پڑھیں: ''راستے سے ہٹو'' بابراعظم نے حسن علی کو بیٹ دکھا دیا

اسلام آباد یونائیٹڈ کے خلاف بابراعظم نے 58 گیندوں پر 7 چوکوں اور ایک چھکے کی مدد سے 75 رنز کی ناقابلِ شکست اننگز کھیلی تھی تاہم وہ ٹیم کو میچ جتوانے میں ناکام رہے۔

https://twitter.com/SharyOfficial/status/1628821113554759680