شکیب الحسن اور تمیم کے درمیان صلح کرانے کی کوشش ناکام

ٹیسٹ اور ٹی 20 کپتان شکیب اور ون ڈے قائم تمیم کے درمیان پرانے اختلافات ہیں، صدر بورڈ نظم الحسن ۔ فوٹو: فائل

---

بنگلہ دیش کرکٹ بورڈ کے صدر نظم الحسن کی بھی شکیب الحسن اور تمیم اقبال کے درمیان صلح کرانے کی کوشش ناکام ہوگئی۔

بنگلہ دیش کرکٹ بورڈ کے صدر نظم الحسن نے ایک انٹرویو میں تسلیم کیا کہ ٹیسٹ اور ٹی 20 کپتان شکیب اور ون ڈے قائم تمیم کے درمیان پرانے اختلافات ہیں، وہ آپس میں بات تک نہیں کرتے، نئے کوچ چندیکا ہتھوراسنگھے کی آمد سے قبل میری کوشش ہے کہ ڈریسنگ روم میں صحتمندانہ ماحول ہو مگر ایسا ہوتا دکھائی نہیں دیتا۔

انہوں نے کہا کہ دونوں سینئر پلیئر سے ملاقات کرکے باہمی اختلافات ختم کرنے کا مشورہ دیا تاہم ان میں صلح بہت ہی مشکل کام ہے۔