شیخوپورہ میں مسافر وین الٹنے سے 7 افراد جاں بحق متعدد زخمی

زخمیوں کو ڈی ایچ کیو اسپتال منتقل کیا گیا جہاں بعض زخمیوں کی حالت تشویشناک بتائی جاتی ہے۔ فوٹو: فائل

---

KARACHI: سرگودھا روڈ پر چھونی سرکاری کے علاقے میں مسافر وین الٹنے سے 2 خواتین سمیت 67 افراد جاں بحق اور متعدد زخمی ہوگئے۔

ایکسپریس نیوز کے مطابق مسافر وین حافظ آباد سے شیخوپورہ کی جانب آرہی تھی کہ چھونی سرکاری کے علاقے میں اس کا ٹائر پھٹ گیا اور وین الٹ گئی جس کے نتیجے میں 2 خواتین سمیت 7 افراد جاں بحق اور 8 سے زائد زخمی ہوگئے، اطلاع ملنے پر ریسکیو ٹیموں نے جائے حادثہ پر پہنچ کر امدادی کارروائیوں کا آغاز کردیا اور زخمیوں کو ڈی ایچ کیو اسپتال منتقل کیا گیا جہاں انہیں طبی امداد فراہم کی جارہی ہے تاہم زخمیوں میں سے بعض کی حالت تشویشناک ہے جس کے باعث ہلاکتوں میں اضافے کا خدشہ ہے۔