پادریوں کے ہاتھوں بچوں سے زیادتی پر معافی کا طلب گار ہوں پوپ فرانسس

جنسی زیادتی سے نمٹنے کے لئے کیتھولک چرچ نے جس قدر کوشش کی اس قدر کسی دوسرے ادارے نے نہیں کی، پوپ فرانسس۔ فوٹو اے ایف پی

---

مسیحی برادری کے روحانی پیشوا پوپ فرانسس نے ماضی میں پادریوں اور دیگر مذہبی رہنماؤں کی جانب سے بچوں سے جنسی زیادتی کے واقعات پر معافی مانگی ہے۔

کیتھولک مسیحیوں کے مرکز ویٹی کن کی ویب سائیٹ کے مطابق بچوں کے حقوق کے تحفظ کے لئے کام کرنے والی مختلف بین الاقوامی تنظیموں کے نمائندوں سے ملاقات کے دوران پوپ فرانسس نے کہا کہ اگر چہ جن پادریوں نے بچوں کو زیادتی کا نشانہ بنایا ہے ان کی تعداد بہت کم ہے تاہم اس سے جو مکروہ' برائی پیدا ہوئی وہ ناقابل تلافی ہے اور اس پر وہ معافی کے طلب گار ہیں۔

پوپ فرانسس نے کہا کہ زیادتی سے نمٹنے کے لئے کیتھولک چرچ نے جس قدر کوشش کی اس قدر کسی دوسرے ادارے نے نہیں کی، لیکن اس کے باوجود چرچ کو ہی تنقید کا نشانہ بنایا جا رہا ہے۔ انہوں نے کہا کہ ویٹی کن اس مسئلے پر ایک قدم بھی پیچھے نہیں ہٹے گا اور اس مکروہ فعل میں ملوث افراد پر پابندیاں ضرورعائد ہوں گی۔