بابراعظم ابھی تک میچ فنشر کے طور پر اُبھر نہیں سکے شاہد آفریدی

بابر کریز پر رہ کر دوسرے کھلاڑی کو کھلانے کی صلاحیت رکھتا ہے، سابق کپتان

ویب ڈیسک February 28, 2023

بابر کریز پر رہ کر دوسرے کھلاڑی کو کھلانے کی صلاحیت رکھتا ہے، سابق کپتان (فوٹو: ایکسپریس ویب)

قومی کرکٹ ٹیم کے سابق کپتان شاہد آفریدی کا کہنا ہے بابراعظم بہت اچھے پلئیر ہیں تاہم وہ ابھی میچ فنشر کے طور پر نہیں اُبھر سکے ہیں۔

مقامی ٹی وی چینل کے شو میں گفتگو کرتے ہوئے سابق کپتان شاہد آفریدی نے کہا کہ بابراعظم ورلڈ نمبر ون کھلاڑی ہیں اور کریز پر رہ کر دوسرے کو کھلا سکتا ہے کیونکہ وہ سیٹ ہونے میں کچھ وقت لیتے ہیں۔

سابق کپتان نے کہا کہ بابراعظم کے ویرات کوہلی اور ڈی ویلیئر کے لیول پر آنے میں ایک رکاوٹ ہے اور وہ فنشنگ ہے، بطور میچ ونر بابر نے اب تک خود کو ثابت نہیں کیا، میری خواہش ہے بابراعظم ایسا کرے۔

مزید پڑھیں: سرفراز کو کوئٹہ گلیڈی ایٹرز کی کپتانی سے ہٹانے کا مشورہ دیا تھا ، شاہد آفریدی

اس موقع پر امام الحق نے بھی کہا کہ بابراعظم بھی تسلیم کرتے ہیں کہ میچ فنش کروں، مجھے لگتا ہے کہ بابر کو اپنے اسٹرائیک ریٹ پر بھی کام کرنا چاہیے تاکہ وہ ففٹی ہوتے ہی اپنی مرضی سے ایسا کھیلے کہ بولر بھی اس کا سامنا کرنے سے ڈرے۔