ہدایت کارہ واداکارہ سنگیتا نے کہا ہے کہ حکومت کو اب فلم انڈسٹری کی جانب بھی تھوڑی توجہ دینی چاہیے' فلم انڈسٹری کی بحالی ناگزیر ہو چکی ہے۔

پاکستانی شوبز انڈسٹری کی سپورٹ کے لیے حکومت کو الگ وزارت قائم کرنی چاہیے۔ ایک انٹرویو کے دوران سنگیتا نے کہا کہ پوری دنیا میں ثقافت اور شوبز انڈسٹری کے لیے الگ وزارت ہوتی ہے لیکن پاکستان میں ثقافت کے نام پر جو وزارت بنائی جاتی ہے وہ بھی کسی اور ثقافت سے تحفظ میں مصروف ہوتی ہے' میں سمجھتی ہوں کہ اگر شوبز انڈسٹری کے لیے الگ وزارت بنا دی جائے تو اس سے شوبز انڈسٹری مضبوط ہو گی۔