لاہور قلندرز کے شائقین کو میچ کے دوران کیا سرپرائز ملے گا

قلندرز کی ٹیم آج کوئٹہ گلیڈی ایٹرز کے مدمقابل آئے گی

Sports Reporter March 02, 2023

قلندرز کی ٹیم آج کوئٹہ گلیڈی ایٹرز کے مدمقابل آئے گی (فوٹو: پی ایس ایل)

لاہور قلندرز کے ہوم گراؤنڈ پر پاکستان سپر لیگ (پی ایس ایل) 8 کی میچز کے دوران فینز اِن اونرز ڈگ آؤٹ کیلئے آج بھی قرعہ اندازی ہوگی۔

ترجمان لاہور قلندرز کے مطابق عمران خان انکلوژر میں بیٹھے شائقین کرکٹ وہاں موجود قلندرز باکس میں اپنا نام ڈال سکتے ہیں، میچ کے دوران قرعہ اندازی میں نام نکلنے والے فین کو گراؤنڈ میں اونرز ڈگ آؤٹ میں بیٹھایا جائے گا۔

خوش قسمت فین کو کھلاڑیوں کے ساتھ تصاویر بنوانے اور بات کرنے کی اجازت ہوگی۔

واضح رہے کہ لاہور قلندرز کی ٹیم ہوم گراؤنڈ پر آج کوئٹہ گلیڈی ایٹرز کے خلاف میدان میں اُترے گی۔

قبل ازیں لاہور قلندرز نے 8 سالہ کرکٹ فین عاکف کی قذافی اسٹیڈیم لاہور میں داخلے کی خواہش پوری کی تھی، جس نے کھلاڑیوں کے ساتھ فوٹوز بنوائیں اور اونرز ڈگ آؤٹ میں بیٹھ کر میچ دیکھا تھا۔

🧒 8 year old lucky boy, Akif got a chance to take 📸 with players and sit in owners dug-out

Try your luck by participating in a Lucky Draw exclusively for Imran Khan Enclosure (Gaddafi Stadium Lahore).#QalandarHum #Sochnabemanahai #HBLPSL8 #QalandarsCity #LQvQG pic.twitter.com/wxLF8DUzWJ
— Lahore Qalandars (@lahoreqalandars) March 2, 2023