یوٹیوب نے فولڈایبل فون اور ٹیبلٹ کے لیے دوہرے پینل کی آزمائش شروع کر دی

کتاب کی طرح کھلنے والے اسمارٹ فون اور ٹیبلٹ کے صارفین کی سہولت کے لیے اس پر غور کیا جا رہا ہے

ویب ڈیسک March 05, 2023

واٹس ایپ نے ٹیبلٹ اور فولڈیبل فون کے لیے دوہرے پینل کی آزمائش شروع کردی ہے۔ فوٹو: فائل

واٹس ایپ نے ایک سال پہلے سے مختلف آلات کی سپورٹ پر غیرمعمولی توجہ دی ہے اور اب فولڈ ایبل فون اور ٹیبلٹ کے لیے دوہرے پینل یا ٹو پین لے آؤٹ کی آزمائش شروع کر دی ہے جس کی کچھ تصاویر افشا ہوئی ہیں۔

ستمبر 2022 میں میٹا کی ذیلی کمپنی واٹس ایپ نے ایپ کو کئی آلات پر چلانے کے لیے کمپینیئن موڈ کی سہولت پیش کی تھی۔ لیکن اس کے باوجود یہ ایپ ٹیبلٹ اور بالخصوص کتاب کی طرح کھلنے اور بند ہونے والے فولڈیبل فون کے لیے واٹس ایپ کا آپشن اور ڈسپلے ناکافی بلکہ عجیب وغریب تھا۔

لیکن بات یہی ختم نہیں ہوتی کیونکہ بہترین سے بہترین ٹیبلٹ کے لیے بھی واٹس ایپ کا ڈسپلے بہت ہی خراب دکھائی دیتا ہے اور یہی وجہ ہے کہ میٹا نے اس مسئلے کے حل کے لیے سوچتے ہوئے دوہرے پینل کی آزمائش شروع کی ہے۔ اس میں واٹس ایپ دو متوازی پینل میں دیکھا جاسکتا ہے جس کی اسکرولنگ کو بھی بہتر بنایا گیا ہے۔

واٹس ایپ کی خبر دینے والی ویب سائٹ ویب بی ٹا انفو نے کہا ہے کہ اب فولڈ ہونے فون اور بڑے ٹیبلٹ کے لیے اینڈروئڈ ورژن پیش کیا گیا ہے جو دوہرے اسکرین پرمشتمل ہوگا۔ توقع ہے کہ بعض صارفین اسے استعمال بھی کررہے ہوں گے۔ تاہم شاید اسے واٹس ایپ کے 2.23.5.9 ورژن میں شامل کیا جائے گا۔