انگلینڈ سپرلیگ ٹیبل پر پہلی پوزیشن پر آگیا

بنگلہ دیش کے خلاف دوسرے ون ڈے میچ میں کامیابی نے انگلینڈ کو سپرلیگ کے ٹیبل پر پہلی پوزیشن دلا دی۔

26 نومبر سے بھارت میں شیڈول آئی سی سی ورلڈکپ میں پاکستان سمیت سات ٹیمیں کنفرم ہوچکی ہیں۔ آئی سی سی کی طرف سےجاری کردہ رینکنگ کےمطابق انگلینڈ 155 پوائنٹس کے ساتھ پہلے نمبر پر پہنچ گیاہے۔


نیوزی لینڈ کے پوائنٹس کی تعداد ایک سو پچاس اور پوزیشن دوسری ہے۔ون ڈے ورلڈکپ کا میزبان بھارت 139 پوائنٹس کے ساتھ تیسرے نمبر پر ہے۔پاکستان کی پوزیشن چوتھی اور پوائنٹس کی تعداد ایک سو تیس ہے۔

آسٹریلیاکا درجہ بندی میں پانچواں نمبر ہے۔بنگلہ دیش کے بھی پوائنٹس ایک سو بیس ہیں لیکن اس کی پوزیشن دو میچز زیادہ کھیلنے کی وجہ سے چھٹی ہے۔افغانستان ایک سو پندرہ پوائنٹس کے ساتھ ساتویں درجے پر ہے۔

ویسٹ انڈیز، جنوبی افریقہ، سری لنکا، آئرلینڈ، زمبابوے اور نیڈر لینڈ کو ورلڈکپ میں جگہ پانے کے لیے ابھی مزید جدوجہد کرنا ہوگی۔ دس ٹیموں پر مشتمل یہ ورلڈکپ دوہزار انیس کے فارمیٹ پر کھیلا جارہاہے۔