انگلینڈ سپرلیگ ٹیبل پر پہلی پوزیشن پر آگیا

نیوزی لینڈ کے پوائنٹس کی تعداد ایک سو پچاس اور پوزیشن دوسری ہے

Sports Reporter March 04, 2023

نیوزی لینڈ کے پوائنٹس کی تعداد ایک سو پچاس اور پوزیشن دوسری ہے

بنگلہ دیش کے خلاف دوسرے ون ڈے میچ میں کامیابی نے انگلینڈ کو سپرلیگ کے ٹیبل پر پہلی پوزیشن دلا دی۔

26 نومبر سے بھارت میں شیڈول آئی سی سی ورلڈکپ میں پاکستان سمیت سات ٹیمیں کنفرم ہوچکی ہیں۔ آئی سی سی کی طرف سےجاری کردہ رینکنگ کےمطابق انگلینڈ 155 پوائنٹس کے ساتھ پہلے نمبر پر پہنچ گیاہے۔

نیوزی لینڈ کے پوائنٹس کی تعداد ایک سو پچاس اور پوزیشن دوسری ہے۔ون ڈے ورلڈکپ کا میزبان بھارت 139 پوائنٹس کے ساتھ تیسرے نمبر پر ہے۔پاکستان کی پوزیشن چوتھی اور پوائنٹس کی تعداد ایک سو تیس ہے۔

آسٹریلیاکا درجہ بندی میں پانچواں نمبر ہے۔بنگلہ دیش کے بھی پوائنٹس ایک سو بیس ہیں لیکن اس کی پوزیشن دو میچز زیادہ کھیلنے کی وجہ سے چھٹی ہے۔افغانستان ایک سو پندرہ پوائنٹس کے ساتھ ساتویں درجے پر ہے۔

ویسٹ انڈیز، جنوبی افریقہ، سری لنکا، آئرلینڈ، زمبابوے اور نیڈر لینڈ کو ورلڈکپ میں جگہ پانے کے لیے ابھی مزید جدوجہد کرنا ہوگی۔ دس ٹیموں پر مشتمل یہ ورلڈکپ دوہزار انیس کے فارمیٹ پر کھیلا جارہاہے۔