پی ایس ایل کوڈ کی خلاف ورزی پر کیرون پولارڈ کی سرزنش

پاکستان سپر لیگ (پی ایس ایل) میں ملتان سلطانز کے آل راؤنڈر کیرون پولارڈ کوڈ آف کنڈکٹ کی خلاف ورزی پر وارننگ جاری کردی گئی۔

پاکستان کرکٹ بورڈ (پی سی بی) کی جانب سے جاری کردہ اعلامیے کے مطابق کیرن پولارڈ نے پی ایس ایل کے ضابطہ اخلاق کی لیول 1 کی شق کے آرٹیکل 2.5 کی خلاف ورزی کی، جس میں زبان یا اشاروں سے جو توہین آمیز ہو وہ ممنوع قرار دیا گیا ہے۔


لاہور قلندرز اور ملتان سلطانز کے خلاف میچ کے دوران کیرون پولارڈ نے میچ کے 13 اوور میں عبداللہ شفیق کو آؤٹ کرکے گراؤنڈ سے باہر جانے کا نازیبا اشارہ کیا تھا۔

میچ کے بعد پولارڈ کے اعتراف کے بعد میچ ریفری محمد جاوید ملک نے تجویز کردہ سزا کا اعلان کرتے ہوئے انہیں اپنا رویہ بہتر بنانے اور آئندہ محتاط رہنے کی تنبیہہ کی۔