ایاسا آج سے پی آئی اے کا آن لائن سیفٹی آڈٹ شروع کرے گی

یورپی ممالک میں پی آئی اے کی براہ راست پروازوں پر پابندی کے خاتمے کے لیے راہیں ہموار ہوں گی

Staff Reporter March 07, 2023

یورپی ممالک میں پی آئی اے کی براہ راست پروازوں پر پابندی کے خاتمے کے لیے راہیں ہموار ہوں گی۔ فوٹو: فائل

یورپی ایوی ایشن سیفٹی ایجنسی (ایاسا) آج سے پی آئی اے کا آن لائن سیفٹی آڈٹ شروع کرے گی۔

ذرائع کے مطابق قومی ائرلائن کی پروازوں کی یورپی ملکوں میں فضائی آپریشن کی بحالی کے تناظرمیں یورپی ایوی ایشن سیفٹی ایجنسی(ایاسا) آج سے آن لائن سیفٹی آڈٹ کا آغاز کرے گی، واضح رہے کہ پی آئی اے انتظامیہ ایاسا کے آڈٹ کے لیے تیاریاں مکمل کرچکی ہے۔

ذرائع کے مطابق آن لائن سیفٹی آڈٹ کے دوران ایاسا حکام پی آئی اے جکام سے فلائٹ سیفٹی سے متعلق سوالات کریں گے، فلائٹ سیفٹی، انجینئرنگ، فلائٹ آپریشنز اور سیکیورٹی حکام ریگولیٹری معاملات پربھی یورپی ایوی ایشن حکام کو اقدامات سے آگاہ کرینگے، کامیابی کے بعد ایاسا ٹیم پاکستان دورے کے دوران آن سائٹ آڈٹ بھی کرے گی۔

مذکورہ دونوں مراحل کی تکمیل اوراس کے مثبت نتائج کے بعد پی آئی اے کی پروازوں پرجولائی سن 2020 سے عائد پابندی کا خاتمہ ہو سکے گا۔