دوران پرواز مسافرکی دروازہ کھولنے کی کوششروکنے پر فضائی میزبا ن پرحملہ

لینڈنگ کے بعد پولیس نے مسافر کو گرفتار کرلیا:فوٹو:سوشل میڈیا

---

امریکا میں دوران پرواز طیارے کا دروازہ کھولنے کی کوشش سے روکنے پرمسافرنے فضائی میزبان پر حملہ کردیا۔

غیرملکی خبرایجنسی کے مطابق امریکی شہر لاس اینجلس سے بوسٹن جانے والے طیارے میں سوار33 سالہ مسافر نے دوران پرواز ہنگامی دروازہ کھولنے کی کوشش کی۔ مسافر نے خود کو روکنے پر فضائی میزبان کی گردن میں ٹوٹا ہوا چمچ گھونپ دیا۔

طیارے کے عملے کے دیگر ارکان نے مسافروں کی مدد سے حملہ آور کو قابو کیا اور لینڈنگ کے بعد پولیس کے حوالے کردیا۔ حملے میں زخمی فضائی میزبان کو ابتدائی طبی امداد کے لیے اسپتال منتقل کردیا گیا۔