عائزہ خان اور حمزہ علی عباسی کی 10 سال بعد ایک ساتھ اسکرین پر واپسی

عائزہ خان 10 سال بعد اپنے مشہور ڈرامے ’پیارے افضل‘ کے ساتھی اداکار کے ساتھ دوبارہ جلوہ گر ہوں گی

ویب ڈیسک March 07, 2023

حمزہ علی عباسی اور عائزہ خان نے10 سال قبل پیارے افضل میں ایک ساتھ کام کیا تھا(فائل فوٹو)

پاکستان شوبز کی خوبرو اداکارہ عائزہ خان 10 سال بعد اپنے مشہور ڈرامے 'پیارے افضل' کے ساتھی اداکار حمزہ علی عباسی کے ساتھ دوبارہ جلوہ گر ہوں گی۔

عائزہ خان اپنے ساتھی اداکار حمزہ علی عباسی کے ساتھ نئے ڈرامے ''جانِ جہاں'' میں اداکاری کے جوہر دکھائیں گی۔ اداکارہ نے انسٹاگرام پر اپنے نئے پراجیکٹ کاٹیزرشیئر کرتے ہوئے خوشی کا اظہار کیا ہے۔

نئے ڈرامے کا اعلان کرتے ہوئے عائزہ خان نے انسٹاگرام پر لکھا کہ 'اپنے نئے پراجیکٹ 'جانِ جہاں' کا اعلان کرتے ہوئے بہت خوش ہوں یہ انشاء اللہ ایک بڑا پراجیکٹ ہوگا ہمارے میگا ہٹ ڈرامے 'پیارے افضل' کے 10 سال بعد حمزہ علی عباسی کے ساتھ دوبارہ اسکرین پر آنے کیلئے بہت پُر جوش ہوں۔'

View this post on Instagram

A post shared by Ayeza Khan (@ayezakhan.ak)

ساتھ ہی اداکارہ نے ڈرامے کی پروڈیوسرز ثمینہ ہمایوں سعید اور ثنا شاہنواز کا بھی شکریہ ادا کیا۔

یاد رہے کہ مذکورہ ڈرامہ ردا بلال نے لکھا ہے اور اس کی ہدایات قاسم علی مرید نے دی ہیں۔ گزشتہ دِنوں حمزہ علی عباسی نے بھی انسٹاگرام پر پروجیکٹ کا ٹیزر شیئر کرکے اپنے مداحوں کو ٹی وی اسکرین پر واپسی کے بارے میں آگاہ کیا تھا۔