کرکٹ کے میدان پر شاہد آفریدی گھمبیر ایک بار پھر مدمقابل آئیں گے مگر کہاں

ٹورنامنٹ میں پہلا مقابلہ ایشیا لائنز کا مقابلہ انڈیا مہاراجہ سے ہوگا (فوٹو: فائل)

---

لیجنڈز لیگ کے تیسرے ایڈیشن میں شرکت کے لیے سابق کرکٹرز قطر پہنچنا شروع ہوگئے۔

دوحا میں شروع ہونے والی لیجنڈز لیگ 2023 کا آغاز 10 مارچ سے ایشین ٹاؤن کرکٹ اسٹیڈیم میں ہوگا، قومی ٹیم کے چاروں کرکٹرز ٹورنامنٹ میں ایشیا لائنز کی نمائندگی کرتے نظر آئیں گے۔

ٹورنامنٹ کے افتتاحی میچ میں ایشیا لائنز کا مقابلہ انڈیا مہاراجہ سے ہوگا جبکہ ورلڈ جائنٹس ایونٹ کی تیسری ٹیم ہوگی۔

مزید پڑھیں: لیجنڈز لیگ؛ پاکستان کے 4 سابق کرکٹرز ایک پر پھر میدان پر نظر آئیں گے

سابق ہندوستانی کپتان اور ہیڈ کوچ روی شاستری لیگ کمشنر ہیں اور سابق ہندوستانی خاتون کرکٹر جھولن گوسوامی خواتین کو بااختیار بنانے کی سفیر ہیں۔

سیریز کے لیے 8 میچز شیڈول ہیں اور یہ تمام ایشیا ٹاؤن کرکٹ اسٹیڈیم میں کھیلے جائیں گے۔

تینوں ٹیموں کے مکمل اسکواڈز مندرجہ ذیل ہیں؛

انڈیا مہاراجہ: گوتم گمبھیر (کپتان)، ہربھجن سنگھ، عرفان پٹھان، یوسف پٹھان، محمد کیف، ایس سری سانتھ، اشوک ڈنڈا، پرگیان اوجھا، سریش رائنا، رابن اتھپا، پرویندر آوانہ، مانویندر بسلا (وکٹ کیپر)، ریتیندر سنگھ سودھی، پروین کمار، پروین تامبے اور اسٹورٹ بنی۔

ایشیا لائنز: شاہد آفریدی (کپتان)، اصغر افغان، تلکارتنے دلشان، مصباح الحق، محمد حفیظ، دلہارا فرنینڈو، شعیب اختر، اپل تھرنگا (وکٹ کیپر)، پارس کھڑکا، تھیسارا پریرا، عبدالرزاق، اسرو اڑانا، محمد عامر، نوروز منگل، سہیل تنویر، دیمن گھوش (وکٹ کیپر)۔

عالمی جائنٹس: ایرون فنچ (کپتان)، بریٹ لی، مورنی وین وِک، کرس گیل، شین واٹسن، راس ٹیلر، ریکارڈو پاول، مونٹی پنیسر، کیون اوبرائن، ٹینو بیسٹ، دنیش رامدین (وکٹ کیپر)، جیک کیلس، ہاشم آملہ، کرسٹوفر مپوفو، لینڈل سیمنز، پال کولنگ ووڈ۔