شمالی وزیرستان میں فورسز کے آپریشن میں 3 دہشت گرد ہلاک

ہلاک دہشت گردوں سے اسلحہ اور گولہ بارود بھی برآمد ہوا ہے۔

---

شمالی وزیرستان میں فورسز کے آپریشن میں 3 دہشت گرد مارے گئے۔

آئی ایس پی آر کے مطابق سیکیورٹی فورسز کی جانب سے شمالی وزیرستان کے ضلع دتہ خیل کے عام علاقے میں گزشتہ روز انٹیلی جنس بیسڈ آپریشن کیا گیا تھا جس کے دوران 6 دہشت گرد مارے گئے۔

یہ بھی پڑھیں: شمالی وزیرستان میں سیکیورٹی فورسز کے آپریشن میں 6 دہشت گرد ہلاک

آپریشن کے بعد سیکیورٹی فورسز نے علاقے میں کلیئرنس آپریشن کیا جس کے دوران شدید فائرنگ کے تبادلے میں مزید 3 دہشت گرد مارے گئے۔ ان کے پاس سے اسلحہ اور گولہ بارود بھی برآمد ہوا ہے۔

علاقے کے مقامی لوگوں نے سیکیورٹی فورسز کے ردعمل کو سراہا. عوام نے علاقے سے دہشت گردی کو ختم کرنے کے لیے اپنے مکمل تعاون کا اظہار کیا۔