میکسیکو میں مسافر بس کی ٹرک سے ٹکر کے نتیجے میں 36 افراد ہلاک

میکسیکو میں مسافر بس کے سڑک کنارے کھڑے ٹرک سے ٹکرانے کے نتیجے میں 36 افراد ہلاک جبکہ 4 زخمی ہوگئے۔


غیر ملکی خبر رساں ادارے کی رپورٹ کے مطابق ہفتے اور اتوار کی درمیانی رات میسیکو کے شہر ولاہروسا سے تعلق رکھنے والے تاجر کاروباری مقاصد کے لئےدارالحکومت میکسیکو سٹی کے لئے روانہ ہوئے تو راستے میں اندھیرا ہونے کی وجہ سے ڈرائیور سڑک کے کنارے کھڑے ٹرک کو نہ دیکھ سکا اور بس کو ٹرک سے ٹکرا دیا، جس کے فوری بعد بس میں آگ لگ گئی۔ مقامی ریسکیو حکام کا کہنا ہے کہ حادثے کے نتیجے میں بس میں سوار 36 افراد ہلاک جبکہ 4 زخمی ہوگئے ہیں جن کی حالت بھی انتہائی تشویشناک ہے۔