کندھ کوٹ میں نامعلوم افراد کی گھر میں گھس کر فائرنگ 2 خواتین سمیت 4 افراد جاں بحق

ہلاک ہونے والوں میں گھر کا سربراہ، اس کی بیوی اور 2 بچے شامل ہیں۔ فوٹو: فائل

---

کندھ کوٹ میں نامعلوم افراد نے گھر میں گھس کر فائرنگ کرکے 2 خواتین سمیت ایک ہی خاندان کے 4 افراد کو قتل کردیا۔

ایکسپریس نیوز کے مطابق کندھ کوٹ کے شہر تنگوانی کی بھٹائی کالونی میں اتوار اور پیر کی درمیانی شب نامعلوم افراد نے ایک گھر میں گھس کر فائرنگ کردی، جس کے نتیجے میں گھرکا سربراہ، اس کی ببوی اور دو بچوں سمیت ہلاک ہوگیا۔ پولیس نے قانونی تقاضے مکمل کرنے کے بعد لاشوں کو ان کے عزیزوں کے حوالے کردیا۔

پولیس کا کہنا ہے کہ ابتدائی طور پر واقعہ زمین کے تنازع کا نتیجہ نظر آتا ہے تاہم پولیس نے مقدمہ درج کرکے تفتیش شروع کردی ہے جلد ہی اس کے محرکات اور ملزمان کا پتہ چلا لیا جائے گا۔