شیخوپورہ میں جنونی شخص نے پانچ افراد کو فائرنگ کرکے قتل کردیا
ملزم نے تمام وارداتیں ایک گھنٹے کے دوران انجام دیں، مقتولین میں بیوی، دو بچے، سالی اور فلور ملز کا مالک شامل
تھانہ سٹی فاروق آباد کے علاقے میں ملزم نے ایک گھنٹے کے دوران تین مختلف وارداتوں میں بیوی بچوں سمیت پانچ افراد کو قتل کردیا۔
ایکسپریس نیوز کے مطابق شیخوپورہ میں تھانہ سٹی فاروق آباد کے علاقے میں ایک ہی ملزم نے ایک گھنٹے کے دوران تین مختلف وارداتوں میں پانچ افراد کی جان لے لی۔
پولیس ذرائع کے مطابق تنویر نامی ملزم نے پہلی واردات جھامکے کے قریب فلور مل میں کی اور فلور مل کے مالک نذیر ہاشمی کو فائرنگ کرکے قتل کیا، ملزم فلور ملز کے مالک کا کک بتایا جاتا ہے۔
ملزم نے دوسری واردات میں محلہ نور پورہ میں اپنی سالی کو گولیاں ماریں جس کے بعد فاروق آباد گاؤں میں اپنی بیوی اور 2 معصوم بچوں کو فائرنگ کرکے قتل کردیا۔
مختلف وارداتوں میں ایک ہی شخص کے ہاتھوں پانچ افراد کے لرزہ خیز قتل پر ڈی پی او نے نوٹس لے لیا ہے۔ پولیس نے معاملے کی تقفتیش شروع کردی ہے۔