لیجنڈز لیگ گھمبیر الیون کو مسلسل دوسری شکست

قطر میں جاری لیجنڈز لیگ کے دوسرے میچ میں ورلڈ جائنٹس کی ٹیم نے سنسنی خیز انداز میں انڈیا مہاراجہ کو 2 رنز سے شکست دیدی۔

دوحا کرکٹ گراؤنڈ میں کھیلے گئے میچ میں پہلے بیٹنگ کرتے ہوئے ورلڈ جائنٹس نے مقررہ 20 اوورز میں 8 وکٹوں کے نقصان پر 166 رنز بنائے، جائنٹس کی جانب سے کپتان ایرون فنچ 53، شین واٹسن 55 اور ٹینو بیٹس 13 رنز بناکر نمایاں رہے۔

ہدف کے تعاقب میں انڈیشن مہاراجہ کو 65 رنز کا آغاز ملا، روبن اُتھاپا 29 رنز بناکر آؤٹ ہوئے، کپتان گوتم گھمبیر نے ایک بار پھر نصف سینچری اسکور کی تاہم وہ ٹیم کو فتح سے ہمکنار کروانے میں ناکام رہے، انہوں نے 68 رنز کی اننگز کھیلی۔ دیگر کھلاڑیوں میں مرلی وجے 11، سریش رائنا 19 اور محمد کیف 19 رنز بناسکے۔


مزید پڑھیں: آفریدی کی ایشیا لائنز نے گھمبیر کے مہاراجہ کو گھٹنے ٹیکنے پر مجبور کردیا

انڈیا مہاراجہ کی ٹیم مقررہ 20 اوورز میں 5 وکٹوں کے نقصان پر 164 رنز بناسکی اور یوں ورلڈ جائنٹس نے میچ محض 2 رنز سے جیت لیا، انڈیا مہاراجہ کی ایونٹ میں یہ مسلسل دوسری شکست تھی۔

اس سے قبل ایشیا لائنز نے افتتاحی میچ گھمبیر الیون کو 9 رنز سے شکست دی تھی۔