فلموں کی باکس آفس پر ناکامیوں پہ کپل شرما کا شدید ردعمل
باکس آفس پر ناکامیوں کی وجوہ ہم خود ہیں کوئی اور نہیں، بھارتی اداکار
بھارت کی متعدد فلموں میں کام کرنے والے اور معروف کامیڈین کپل شرما نے باکس آفس کی ناکامیوں پر شدید ردعمل کا اظہار کیا ہے۔
حالیہ ایک ایونٹ میں کپل شرما کپل نے کہا کہ شاہ رخ خان کی فلم ''پٹھان'' کو زبردست پذیرائی ملی اور یہاں تک کہ فلم ''کنتارا'' نے بھی کچھ پروموشنز کے باوجود اچھا کام کیا۔
فلمی اداکار اکشے کمار کے ماضی کے بیانات سے اتفاق کرتے ہوئے کپل شرما نے کہا کہ باکس آفس پر ناکامیوں کی وجوہ ہم خود ہیں اور اسکا الزام ہمیں کسی اور پر نہیں ڈالنا چاہیے۔
انہوں نے مزید کہا کہ لوگ ہمارے کام کو پسند کیوں نہیں کر رہے اس حوالے سے ہمیں وجہ تلاش کرنی چاہیے۔
واضح رہے کہ پچھلے چند سالوں سے بالی ووڈ بہت برے دور سے گزر رہا ہے اور اسے کئی فلاپس فلموں کا سامنا ہے۔ فلموں کی ناکامی پر کئی اداکار اپنے ردعمل کا اظہار کر چکے ہیں۔
کپل شرما ان دنوں اپنی آنے والی فلم ''زویگاٹو'' کی تشہیر میں مصروف ہیں۔ نندیتا کی ہدایت کاری میں بننے والی یہ فلم 17 مارچ کو بڑے پردے پر آئے گی۔