سعودی عرب سیلابی ریلے میں پھنسے پاکستانی کی ریسکیو کی ویڈیو وائرل

پاکستانی کا ٹرک سیلابی ریلے میں بہہ گیا تھا

ویب ڈیسک March 14, 2023

سعودی عرب کا جنوبی علاقہ شدید بارشوں اور سیلاب کی لپیٹ میں ہے:فوٹو:سوشل میڈیا

سعودی عرب میں سیلابی ریلے میں پھنسے پاکستانی کوبچانے کی ویڈیوسوشل میڈیا پر وائرل ہوگئی۔

سعودی میڈیا کے ذریعے منظر عام پر آنے والی ویڈیو میں پانی کے طوفانی ریلوں میں پھنس کر تقریبا الٹ جانے والے ٹرک کے ایک کونے پر پھنسے پاکستانی کو دیکھا جا سکتا ہے۔

#VIDEO: A Pakistani expatriate, who was trapped inside his truck, is being rescued following torrential rains and flooding that struck Wadi Al-Qauba, west of Bisha, in the southern Asir region. pic.twitter.com/O17Huqjt9f
— Saudi Gazette (@Saudi_Gazette) March 13, 2023

کچھ ہی دیر بعد پاکستانی شہری نے جان بچانے کے لیے بپھرے ہوئے پانی کے ریلوں میں چھلانگ لگا دی۔ کنارے سے منظر دیکھنے والے سعودی ریسکیو ورکرز نے 'یا اللہ اسے بچا لے' کی دعا کے ساتھ پاکستانی کو بچانے کے لیے رسی پھینکی جسے اس نے تھام لیا۔

یہ واقعہ سعودی عرب کے جنوبی علاقے آثرکی وادی القبا میں پیش آیا۔ یہ علاقہ گزشتہ چند روز سے طوفانی بارشوں کے باعث سیلاب کی لپیٹ میں ہے۔