عمران خان کی گرفتاری کیلیے رینجرز اور پولیس زمان پارک کے باہر موجود صورت حال کشیدہ

کارکنان کے پتھراؤ سے چار پولیس اہلکار اور ڈی آئی جی اسلام آباد زخمی، پولیس نے متعدد مشتعل افراد کو پکڑ لیا

ویب ڈیسک March 15, 2023

کارکنان کے پتھراؤ سے چار پولیس اہلکار اور ڈی آئی جی اسلام آباد زخمی، پولیس نے متعدد مشتعل افراد کو پکڑ لیا ۔ فوٹو : سوشل میڈیا

توشہ خانہ کیس میں پی ٹی آئی کے چئیرمین عمران خان کی گرفتاری کے لیے رینجرز اور پولیس زمان پارک کے باہر موجود ہے جہاں صورت حال بدستور کشیدہ ہے، پولیس اور پی ٹی آئی کارکنان کے درمیان تصادم کے نتیجے میں کئی زخمی ہوئے جبکہ پولیس نے درجنوں کارکنان کو بھی گرفتار کرلیا۔

ایکسپریس نیوز کے مطابق اسلام آباد پولیس کے ہمراہ لاہور پولیس کی بھاری نفری بھی عمران خان کے گھر کے باہر ہے، پولیس نے زمان پارک جانے والے تمام راستے بند کردیے۔ اسلام آباد پولیس کی جانب سے ڈی آئی جی آپریشن اسلام آباد شہزاد ندیم بخاری بکتر بند گاڑی اور پولیس ٹیم کے ہمراہ آئے ہیں۔

Blatant fascism on your own citizens. They are Pakistan’s citizens, Pakistan’s lover not some terrorists! #زمان_پارک_پہنچو pic.twitter.com/nYWV0EMU0O
— PTI (@PTIofficial) March 14, 2023

پہلے سے موجود وہاں کارکنوں نے گرفتاری کے خلاف مزاحمت کی تو پولیس نے ان پر لاٹھی چارج کیا۔ پولیس نے واٹر کینن گاڑیاں بھی طلب کیں جن سے کارکنوں پر پانی پھینکا گیا جب کہ مزاحمت کرتے ہوئے کارکنوں ںے پولیس پر پتھراؤ کیا۔ پولیس نے آنسو گیس کی شیلنگ بھی کی۔

Fascist Mafia under which case, a warrant has come to arrest Imran Khan?

We the nation stan steady and will fight for the safety of our leader!!!!#زمان_پارک_پہنچو

pic.twitter.com/cv2RfRvp4i
— PTI Islamabad (@PTIOfficialISB) March 14, 2023

دوسری جانب کارکنان کی بڑی تعداد زمان پارک پہنچی ہوئی ہے اور پولیس کے خلاف مزاحمت کے لیے تیار ہے۔ انہوں نے ہاتھوں میں ڈنڈے اٹھائے ہوئے ہیں اور شدید نعرے بازی کررہے ہیں تاہم پولیس انہیں کامیاب ہونے نہیں دے رہی۔

Punjab police is now destroying the camps around zaman park.#زمان_پارک_پہنچو pic.twitter.com/zYIQLgWSmX
— PTI Islamabad (@PTIOfficialISB) March 14, 2023

پولیس کی زمان پارک کی جانب پیش قدمی جاری ہے، پولیس اہلکاروں کی بھاری نفری ڈھال اور دیگر آلات کے ساتھ کارکنوں کو مسلسل دھکیلتے ہوئے آگے کی جانب رواں دواں ہے۔ پولیس نے کارکنوں کے بیس کیمپ اکھاڑ دیے۔

ایچیسن کالج اور زمان پارک کے بیرئیر کے پاس پولیس کی نفری واٹر کینن اور آنسو گیس کے ساتھ پہنچ گئی ہے

تمام کارکنان جلد از جلد زمان پارک پہنچیں #زمان_پارک_پہنچو pic.twitter.com/LvBTi2cLv1
— PTI (@PTIofficial) March 14, 2023

پولیس کے دو افسران نے گرفتاری کا نوٹس وصول کروانے کے لیے ہاتھ میں پلے کارڈ اٹھا رکھے ہیں۔ پلے کارڈز پر نوٹس وصول کروانے کے حوالے سے تحریر موجود ہے۔

اسلام آباد پولیس کے ڈی آئی جی سید ندیم شہزاد ندیم بخاری بمعہ نفری زمان پارک کے باہر پہنچ گئے،،عمران خان کی گرفتاری یقینی بنائیں گے pic.twitter.com/LPYojVvhwP
— Malik Ali Raza (@MalikAliiRaza) March 14, 2023

اسلام آباد پولیس کا کہنا ہے کہ ہم وارنٹ کی تعمیل اور عمران خان کو گرفتار کرنے آئے ہیں۔

زمان پارک کے باہر ایک بار پھر اسلام آباد پولیس پہنچ گئی ۔۔۔ ڈی آئی جی آپریشنز شہزاد ندیم بخاری کا عمران خان کی ممکنہ گرفتاری کے بارے میں کیا کہنا ہے ۔۔ آپ بھی سنیئے#ZamanPark #ImranKhan #islamabadpolice pic.twitter.com/AaDbytZh1R
— Usman Khan (@usmann_khann) March 14, 2023

عمران خان کے وارنٹ گرفتاری ہیں تو ہمیں دکھائیں، عمران اسماعیل

پی ٹی آئی رہنما اور سابق گورنر سندھ عمران اسماعیل زمان پارک جانے کے لئے مال روڈ پر پہنچ گئے تو پولیس نے انہیں آگے جانے سے روک دیا۔ عمران اسماعیل کا کہنا ہے کہ عمران خان کے پاس حفاظتی ضمانت موجود ہے، فواد چوہدری اور دیگر قانونی ماہرین عدالت سے رجوع کر رہے ہیں۔

شاہ محمود قریشی کی پولیس سے گفتگو!#ExpressNews #BreakingNews #ZamanPark #ImranKhanRally #imrankhanPTI pic.twitter.com/qv85BDPbMy
— Express News (@ExpressNewsPK) March 14, 2023

انہوں نے کہا کہ مریم نواز کی خواہش ہے کہ عمران خان کو گرفتار کیا جائے، مریم نواز لیول پلینگ فیلڈ مانگ رہی ہیں، ہم نے کوئی غیر قانونی کام نہیں کیا ہے بس ہم خان صاحب سے ملنے جانا چاہتے ہیں لیکن جانے نہیں دیا جارہا ہے اور کارکنوں پر لاٹھی چارج کیا گیا جس سے ہمارے پانچ کارکنان زخمی ہوچکے ہیں۔

مزید پڑھیں: توشہ خانہ کیس گرفتاری، عمران خان کی درخواست ضمانت کی فوری استدعا مسترد

انہوں ںے مزید کہا کہ اگر عمران خان کے اریسٹ وارنٹ ہیں تو ہمیں دیں خان صاحب اپنے وکلاء سے مشاورت کریں گے لیکن یہ رویہ ٹھیک نہیں، پولیس نے اگر یہی رویہ رکھا تو حالات خراب ہوں گے جب کہ ہم کوئی خلاف قانون کارروائی نہیں کرنا چاہتے۔

زمان پارک کو ماڈل ٹاؤن بنانے کی سازش ہو رہی ہے، مسرت چیمہ

رہنما پی ٹی آئی مسرت جمشید چیمہ نے کارکنوں کو پیغام دیا ہے کہ آج زمان پارک کو ماڈل ٹاؤن بنانے کی سازش ہو رہی ہے تاکہ مریم صفدر کی انا کی تسکین مل سکے، یہ لوگ عمران خان کو ڈیتھ ٹریپ میں کچہری بلانا چاہتے ہیں تاکہ کوئی سازش کرسکیں، اب یہ لوگ گرفتار کرکے سلو پوائزن کرنا چاہتے ہیں، یہ گرفتاری نہیں قتل کی سازش ہے۔

پی ٹی آئی کارکنان کے پتھراؤ سے ڈی آئی جی اسلام آباد زخمی

پاکستان تحریک انصاف کے کارکنان کے پتھراؤ اور مزاحمت سے ڈی آئی جی اسلام آباد زخمی ہوئے جبکہ دوسری طرف سے کارکنان نے آکر پولیس اہلکاروں کو پیچھے ہٹنے پر مجبور کردیا۔

یہ بھی پڑھیں: مجھے قتل یا گرفتار کیا جائے تو عوام جدوجہد جاری رکھیں، عمران خان

پولیس ترجمان کے مطابق پی ٹی آئی کارکنان کے پتھراؤ سے اسلام آباد اور لاہور پولیس کے دو دو اہلکار زخمی ہوئے جنہیں طبی امداد کیلیے اسپتال منتقل کردیا گیا ہے۔

عمران خان گھر پر موجود نہیں ہیں، شاہ محمود قریشی

پاکستان تحریک انصاف کے وائس چیئرمین شاہ محمود قریشی نے گرفتاری کے لیے آنے والے اہلکاروں کو آگاہ کیا کہ عمران خان گھر پر موجود نہیں ہیں۔ انہوں نے مزید کہا کہ ہم خون خرابہ نہیں چاہتے ہوسکتا ہے کہ عمران خان رضاکارانہ گرفتاری دے دیں۔

فواد چوہدری کی چیف جسٹس سے از خود نوٹس کی اپیل

پاکستان تحریک انصاف کے مرکزی رہنما فواد چوہدری نے چیف جسٹس آف پاکستان سے زمان پارک کے سامنے پیش آنے والے معاملات پر از خود نوٹس لے کر معاملات روکنے کی استدعا کی۔ انہوں نے کہا کہ پولیس کے سامنے سرینڈر کرنا خود کو قاتل کے حوالے کرنے جیسے ہے، رانا ثنا کے بیانات قتل کی کھلی دھمکیاں ہیں، جن کی شدید مذمت کرتے ہیں۔

بلکل ایکشن لیں گے ڈی جی آسلام آباد#ZamanPark #ImranKhan #ImranKhanArrest #PDM pic.twitter.com/KHRSA0VInK
— Express News (@ExpressNewsPK) March 14, 2023

پی ٹی آئی کارکنان کی جانب سے پتھراؤ اور مزاحمت کے بعد پولیس کی مزید نفری اور تازہ دم دستے زمان پارک پہنچے۔ اہلکاروں کی شیلنگ کے بعد پی ٹی آئی کے مختلف مقامات پر جمع ہونے والے کارکنان منتشر ہوئے۔

اسے بھی پڑھیں: عمران خان کی ممکنہ گرفتاری؛ تحریک انصاف کا مختلف شہروں میں احتجاج

صورت حال کشیدہ ہونے کے بعد رینجرز کی نفری زمان پارک پہنچی جبکہ انتظامیہ نے عمران خان کی رہائش گاہ کے اطراف میں انٹرنیٹ اور موبائل سروس منقطع کردی۔

زمان پارک کے اطراف ہیلی کاپٹر کی پرواز

زمان پارک کے باہر حالات کی نگرانی کیلیے اطراف میں ہیلی کاپٹر کی پرواز جاری ہے، ذرائع کے مطابق ہیلی کاپٹر کی پرواز حالات پر نظر رکھنے کیلیے کی جارہی ہے۔

مزید پڑھیں: عمران خان کی گرفتاری کی صورت میں پارٹی معاملات چلانے کیلیے 6 رکنی کمیٹی تشکیل

ذرائع کا یہ بھی کہنا ہے کہ عمران خان کو گرفتار کر کے بذریعہ ہیلی کاپٹر اسلام آباد منتقل کیا جائے گا۔

لاہور کے تمام اسپتالوں میں ایمرجنسی نافذ

زمان پارک کے باہر پولیس اور پی ٹی آئی کارکنان کے تصادم کے نتیجے میں لاہور کے تمام اسپتالوں میں ایمرجنسی نافذ کردی گئی ہے جبکہ ڈاکٹرز کو بھی ڈیوٹی پر طلب کرلیا گیا اور ایمرجنسی وارڈ میں بیڈز خالی کرالیے گئے ہیں۔

پولیس کی حکمت عملی ناکام، کارکنان کا ہر صورت عمران خان کی گرفتاری روکنے کا اعلان

پولیس اور کارکنان کے درمیان وقفے وقفے سے تصادم جاری رہا، اہلکاروں نے زمان پارک کے باہر لگے کیمپ اکھاڑے جبکہ اُن میں پُراسرار طور پر آتشزدگی بھی ہوئی۔ پی ٹی آئی کے مرد کارکنان کے ساتھ خواتین بھی پولیس کے سامنے آئیں اور سیسہ پلائی دیوار بن گئیں۔

زمان پارک کے مناظر!!!#ExpressNews #ZamanPark #PTIRally #PTI #ImranKhanRally pic.twitter.com/d6xJV87odu
— Express News (@ExpressNewsPK) March 14, 2023

پی ٹی آئی کے کارکنان نے اعلان کیا ہے کہ وہ کسی بھی صورت عمران خان کو گرفتار ہونے نہیں دیں گے۔

پولیس کا صحافیوں پر بھی تشدد

زمان پارک آنے والے مختلف راستوں پر ذمہ داریاں انجام دینے والے میڈیا نمائندوں پر بھی پولیس نے لاٹھی چارج کیا اور انہیں دھکے دینے کے ساتھ بدتمیزی بھی کی۔

عمران خان کی گرفتاری کیلیے رینجرز نے کمان سنبھال لی اور کچھ دیر میں حتمی آپریشن شروع کی تیاری شروع کردی۔

یہ بھی پڑھیں: عمران خان کی حفاظت کیلیے فکر مند ہوں، صدر مملکت

ذرائع کے مطابق رینجرز نے کمان سنبھال لی،کچھ دیر میں آپریشن شروع ہونے کا امکان ہے، دوسری طرف اپر مال کی طرف سے پی ٹی آئی کارکنوں کی بڑی تعداد زمان پارک پہنچ گئی۔

مذاکرات کے دوران پولیس نے شیلنگ شروع کی، حماد اظہر

پی ٹی آئی رہنما حماد اظہر نے کہا کہ ہم نے کارکنان کو پُرامن رہنے کی ہدایت کرتے ہوئے مذاکرات کرنے کی کوشش کی مگر اسی دوران پولیس نے بدترین شیلنگ شروع کردی۔

زمان پارک کشیدگی پی ایس ایل پر بھی اثر انداز

زمان پارک اور لاہور کے مختلف علاقوں میں ہونے والے دھرنے پاکستان سپر لیگ پر بھی اثر انداز ہوئے، جس کی وجہ سے لاہور قلندرز اور ملتان سلطانز کا پریکٹس سیشن منسوخ کر دیا گیا۔ دونوں ٹیموں کے درمیان ٹورنامنٹ کا پلے آف بدھ 15 مارچ کو ہوگا۔

پولیس اور پی ٹی آئی کارکنان میں تصادم

مال روڈ، جیل روڈ، شادمان چوک، فوارہ چوک اور اطراف کے علاقوں میں پولیس کی شیلنگ و پتھراؤ سے پی ٹی آئی کے متعدد کارکنان زخمی ہوئے جبکہ دھوئیں کی وجہ سے متعدد کی حالت غیر ہوگئی جبکہ زمان پارک کے قریب واقع مال روڈ پر پی ٹی آئی کارکنان کی بڑی تعداد جمع ہوئی، بعد میں پولیس نے زمان پارک کی طرف پیدا مارچ شروع کیا۔

رینجرز موبائل پر پی ٹی آئی کارکنان کا حملہ

رات گئے رینجرز کی موبائل نے جب زمان پارک جانے کی کوشش کی تو سیکڑوں کارکنان گاڑی کے سامنے آکر کھڑے ہوئے اور انہوں نے پتھراؤ کے ساتھ ڈنڈے بھی برسائے جس کی وجہ سے اہلکار گاڑی واپس لے کر چلے گئے۔

[video width="848" height="384" mp4="https://c.express.pk/2023/03/whatsapp-video-2023-03-15-at-12.30.46-am-1678823099.mp4"][/video]

وزیر اعلیٰ نے اجلاس طلب کرلیا

دوسری جانب وزیر اعلی پنجاب محسن نقوی نے رات 12 بجے ہنگامی اجلاس طلب کر لیا۔ جس میں پولیس۔ انتظامیہ ، رینجرز اور قانون نافذ کرنے والے اداروں کے اعلی حکام اجلاس میں شرکت کریں گے۔ اجلاس میں امن و امان کی صورت حال کے حوالے سے غور کیا جائے گا۔

علاوہ ازیں وزارت داخلہ نے لاہور میں بائیس مارچ تک رینجرز کی تعیناتی کا نوٹ فکیشن جاری کردیا، جس کے مطابق امن و امان کی صورت حال قابو میں رکھنے کیلیے رینجرز کی تین کمپنیاں خدمات انجام دیں گی۔

عمران خان کیخلاف اسلام آباد میں مزید دو مقدمات درج

پاکستان تحریک انصاف کے چیئرمین عمران خان کیخلاف ترنول اور بارہ کہو روڈ بند کرانے پر مقدمے درج کرلیا گیا جس میں پی ٹی آئی کارکنوں کو بھی نامزد کیا گیا ہے۔