پہلا کوالیفائر پی سی بی نے اہم اعلان کردیا

قلندرز اور سلطانز کا میچ شیڈول کے مطابق ہوگا، بورڈ

ویب ڈیسک March 15, 2023

قلندرز اور سلطانز کا میچ شیڈول کے مطابق ہوگا، بورڈ (فوٹو: پی ایس ایل)

لاہور میں کشیدگی کے باوجود پاکستان کرکٹ بورڈ (پی سی بی) نے پہلا کوالیفائر لاہور قلندرز اور ملتان سلطانز کے درمیان شیڈول کے مطابق کروانے کا اعلان کردیا۔

گزشتہ روز لاہور قلندرز، ملتان سلطانز، پشاور زلمی اور اسلام آباد یونائٹیڈ کی ٹیموں کے شیڈول پریکٹس سیشن منسوخ کردیے گئے تھے۔

لاہور کے مال روڈ واقع نجی ہوٹل میں قیام پذیر ٹیموں نے جس روٹ سے اسٹیڈیم کی طرف جانا ہے، اس راستے پر پولیس پی ٹی آئی کارکنان کو منتشر کرنے کیلئے موجود ہے جبکہ دونوں کے درمیان وقفے وقفے سے جھڑپیں بھی ہورہی ہیں۔

مزید پڑھیں: لاہور میں کشیدگی؛ پی ایس ایل منتظمین کی پریشانی میں اضافہ

دوسری جانب لاہور قلندرز اور ملتان سلطانز کی ٹیموں کے درمیان میچ آج شام 7 بجے شیڈول ہے۔

واضح رہے کہ لاہور پر کشیدگی کے باعث لاہور قلندرز اور ملتان سلطانز کے درمیان پہلے کوالیفائر میں شائقین کرکٹ کی تعداد کم ہونے کی توقع ہے جبکہ اسیٹیڈیم کے اطراف سیکیورٹی کی اضافی نفری تعینات کیے جانے کا امکان ہے۔