ورکرز پیٹرول بم پھینک رہے ہیں خان صاحب کو سمجھائیں یاسمین راشد کی صدر سے مبینہ گفتگو

میں کچھ کرتا ہوں اسد عمر سے بات کرتا ہوں، صدرعلوی کی مبینہ گفتگو:فوٹو:فائل

---

پی ٹی آئی کی رہنما یاسمین راشد کی صدر عارف علوی سے مبینہ گفتگو منظر عام پر آگئی۔

سوشل میڈیا پر سامنے آنے والی آڈیو میں یاسمین راشد صدر عارف علوی سے کہہ رہی ہیں یہاں صورتحال بہت خراب ہے۔ ہمارے ورکرز پیٹرول بم پھینک رہے ہیں اور آگ لگا رہے ہیں۔ خان صاحب کو سمجھائیں ورنہ لوگ اور پولیس والے مارے جائیں گے۔

اہم ترین آڈیو لیک !!!

صدر مملکت ڈاکٹر عارف علوی اور یاسمین راشد کی ایک اور آڈیو لیک ہوگئی۔ یاسمین راشد نے اعتراف کیا کہ ہمارے ورکرز پٹرول بم پھینک رہے آگ لگا رہے ہیں
آپ کچھ کریں۔خان کو سمجھائیں۔ 👇👇 pic.twitter.com/fRnWESxwMn

— WAQAR SATTI 🇵🇰 (@waqarsatti) March 15, 2023

صدر عارف علوی نے مبینہ طور پر یاسمین راشد کو جواب دیا کہ میں کچھ کرتا ہوں ۔ میں نے اسد عمر سے تو بات کی تھی۔ یاسمین راشد نے کہا کہ یہ سب ہوا تو الیکشن ملتوی ہو جائیں گے جو ہمارا مقصد تھا۔ میں اس سب سے پہلی دفعہ باہر ہوں۔ فون تو کردئیے ہیں۔

عارف علوی نے یاسمین راشد سے مبینہ طور پر کہا کہ میں دوبارہ اسد عمر سے بات کرتا ہوں جس پر یاسمین راشد نے کہا کہ آپ شاہ جی سے بھی بات کریں۔

اس سے قبل یاسمین راشد اور اعجاز شاہ کی سوشل میڈیا پر سامنے آنے والی مبینہ آڈیومیں دونوں عمران خان کی ممکنہ گرفتاری سے متعلق گفتگو کررہے ہیں۔

یاسمین راشد مبینہ طور پر اعجازشاہ سے کہہ رہی ہیں کہ عمران خان نے کہا ہے کہ سارے ارکان صوبائی اور قومی اسمبلی بندے لے کے پہنچیں۔ جو نہیں پہنچے گا اسے ٹکٹ نہیں دوں گا۔ خان صاحب نے یہ بات ڈائرکٹ کہی ہے۔

یاسمین راشد اور بریگیڈیئر اعجاز شاہ کی مبینہ آڈیو ۔۔ جس میں میں یاسمین راشد صاحبہ عمران خان کا پیغام دے رہی ہیں کہ سارے map’s اور MNA,s سے کہیں کہ بندے لیکر پہنچیں اور جو نہیں پہنچے گا میں نے اسے کوئی ٹکٹ نہیں دینا ۔ pic.twitter.com/CnEY9bsF2J

— Hassan Ayub Khan (@HassanAyub82) March 15, 2023

اس پرمبینہ طور پر اعجاز شاہ نے یاسمین راشد کو جواب دیا کہ میں سب کو فون کر رہا ہوں۔ یاسمین راشد نے مبینہ طورپر کہا کہ عمران خان نے کہا ہے کہ میری طرف سے یہ پیغام سب کو پہنچا دیں۔

دوسری جانب یاسمین راشد نے اعجازشاہ کے ساتھ ہونے والی گفتگو کی آڈیو لیک کی تصدیق کردی۔ یاسمین راشد کا کہنا تھا کہ میں پارٹی کی صدر ہوں کیا اپنے لوگوں کو نہیں بلاوں گی۔ ہمارے لوگ 23 گھنٹے سے سڑکوں پر ہیں۔ ان پر شیلنگ اور تشدد کیا جا رہا ہے۔ آڈیو میں کوئی متنازع بات نہیں کی۔