کراچی شوہر کے ہاتھوں 2 بچیوں کی ماں قتل
شوہر کوئی کام نہیں کرتا تھا، مقتولہ ملازمت کرکے اپنا اور بچیوں کا گزربسر کرتی تھی، قتل کے بعد شوہر فرار
(فوٹو فائل)
شہر قائد کے علاقے گارڈن، عثمان آباد میں شوہر نے اپنی اہلیہ (2 بچیوں کی ماں) کو تیز دھار آلے کے وار سے قتل کردیا اور فرار ہوگیا۔ملزم کوئی کام نہیں کرتا تھا جب کہ مقتولہ ملازمت کر کے اپنا اور دونوں بچیوں کا گزر بسر کر رہی تھی۔
کلاکوٹ تھانے کی حدود فقیر محمد درا خان روڈ گارڈن، عثمان آباد کے علاقے میں پاکستان ہوٹل کے قریب گلی نمبر 3 میں واقع افضال منزل کے فلیٹ میں تیز دھار آلے کے وار سے خاتون کو قتل کردیا گیا۔ مقتولہ کی شناخت 40 سالہ طاہرہ کے نام سے کی گئی ۔
ترجمان کراچی پولیس کے مطابق مقتولہ کو اس کے شوہر عتیق نے قتل کیا، جو موقع سے فرار ہوگیا۔ مقتولہ کے پڑوسی ملک شمشیر نے ایکسپریس سے گفتگو کرتے ہوئے بتایا کہ طاہرہ 2 بچیوں کی ماں اور کرایے پر رہائش پذیر تھی۔ اس کا شوہر کوئی کام وغیرہ نہیں کرتا تھا جب کہ اکثر کئی روز تک گھر بھی نہیں آتا تھا اور جب کبھی آتا تو گھر سے لڑائی جھگڑے کی آوازیں سنائی دیتی تھیں۔
مقتولہ طاہرہ خود ملازمت کر کے اپنا اور بچیوں کا گزر بسر کرتی تھی۔ واقعے والی شب بھی طاہرہ کے گھر سے شور شرابے کی آوازیں آئیں، جس پر پڑوسی سمجھے کہ ہمیشہ کی طرح گھریلو جھگڑا ہے، تاہم کچھ دیر بعد گھر سے بچیوں کے رونے کی آوازیں آئیں تو محلے والوں نے جا کر دیکھا تو طاہرہ کے پیٹ میں چاقو گھسا ہوا تھا۔بچیوں نے بتایا کہ ان کے والد مار کر فرار ہوگئے۔
پولیس نے ضابطے کی کارروائی کے بعد لاش ورثا کے حوالے کر دی اور مقتولہ کے شوہر کی تلاش شروع کر دی ۔
کلاکوٹ تھانے کی حدود فقیر محمد درا خان روڈ گارڈن، عثمان آباد کے علاقے میں پاکستان ہوٹل کے قریب گلی نمبر 3 میں واقع افضال منزل کے فلیٹ میں تیز دھار آلے کے وار سے خاتون کو قتل کردیا گیا۔ مقتولہ کی شناخت 40 سالہ طاہرہ کے نام سے کی گئی ۔
ترجمان کراچی پولیس کے مطابق مقتولہ کو اس کے شوہر عتیق نے قتل کیا، جو موقع سے فرار ہوگیا۔ مقتولہ کے پڑوسی ملک شمشیر نے ایکسپریس سے گفتگو کرتے ہوئے بتایا کہ طاہرہ 2 بچیوں کی ماں اور کرایے پر رہائش پذیر تھی۔ اس کا شوہر کوئی کام وغیرہ نہیں کرتا تھا جب کہ اکثر کئی روز تک گھر بھی نہیں آتا تھا اور جب کبھی آتا تو گھر سے لڑائی جھگڑے کی آوازیں سنائی دیتی تھیں۔
مقتولہ طاہرہ خود ملازمت کر کے اپنا اور بچیوں کا گزر بسر کرتی تھی۔ واقعے والی شب بھی طاہرہ کے گھر سے شور شرابے کی آوازیں آئیں، جس پر پڑوسی سمجھے کہ ہمیشہ کی طرح گھریلو جھگڑا ہے، تاہم کچھ دیر بعد گھر سے بچیوں کے رونے کی آوازیں آئیں تو محلے والوں نے جا کر دیکھا تو طاہرہ کے پیٹ میں چاقو گھسا ہوا تھا۔بچیوں نے بتایا کہ ان کے والد مار کر فرار ہوگئے۔
پولیس نے ضابطے کی کارروائی کے بعد لاش ورثا کے حوالے کر دی اور مقتولہ کے شوہر کی تلاش شروع کر دی ۔