مصطفٰی زاہد کی حمد ’معاف کردے‘ ریلیز کردی گئی

فوٹو: یوٹیوب

---

شہرت یافتہ گلوکار مصطفیٰ زاہد نے رمضان المبارک کی مناسبت سے حمد " معاف کردے"ریلیز کردی جسے محمد معین نے تحریر کیا ہے جبکہ دھن فخر عباس نے ترتیب دی ہے۔

رمضان مبارک کی مناسبت سے تیار کی گئی حمد باری تعالٰی کو میوزک چینلز اور سوشل میڈیا پر خوب پذیرائی حاصل ہورہی ہے-

اس حوالے سے گلوکار مصطفیٰ زاہد نے میڈیا سے گفتگو کرتے ہوئے کہا ہے کہ جیسے مداحوں نے میرے گانوں کو بے حد پسند کیا یہ حمد باری تعالٰی بھی ان کے دل کی آواز بنے گی۔



ان کا مزید کہنا تھا کہ خوبصورت کلام "معاف کردے" کو محمد معین نے لکھا ہے اور اس کی ویڈیو کو جارجیا کے خوبصورت مقامات پر عکسبند کیا گیا ہے۔

مصطفیٰ زاہد کی حمد ریلیز ہوتے ہی سوشل میڈیا صارفین کی توجہ کا مرکز بن گئی ہے۔