یوٹیلٹی اسٹورز پر سبسڈائزڈ اشیا کی وافر مقدار میں فراہمی جاری

ریلیف پیکیج کے تحت 19 بنیادی اشیا پر خصوصی سبسڈی عید الفطر تک رہے گی

Press Release March 29, 2023

ریلیف پیکیج کے تحت 19 بنیادی اشیا پر خصوصی سبسڈی عید الفطر تک رہے گی فوٹو:فائل

ترجمان یوٹیلٹی اسٹورز نے کہا ہے کہ وزیر اعظم رمضان ریلیف پیکیج ملک بھر کے تمام یوٹیلٹی اسٹورز پر سبسڈائزڈ اشیا کی وافر مقدار میں فراہمی کو یقینی بنایا گیا ہے جب کہ پیکیج کے تحت 19 بنیادی اشیا پر خصوصی سبسڈی دی جا رہی ہے جو عید الفطر تک جاری رہے گی۔

وزیر اعظم کی جانب سے اسلام آباد کے شہریوں کے لیے مفت آٹے کی سپلائی بھی زور و شور سے جاری ہے جب کہ عوام کی مشکلات کا ازالہ کرتے ہوئے سپلائی کے اوقات میں اضافہ کیا گیا ہے۔

صبح ساڑھے 8 سے لے کر ساڑھے 5 بجے تک اور پھر افطار کے بعد 7 بجے سے رات 11 بجے تک عوام کو مفت آٹا فراہم کیا جا رہا ہے، جن صارفین کو پہلے ایک 10 کلو کا تھیلہ ملا ہے وہ آج سے 2 مزید تھیلے 10 کلو کے فوری حاصل کر سکتے ہیں۔

بینظیر انکم سپورٹ پروگرام کے تحت جوصارفین رجسٹر ڈ نہیں اور وہ مفت آٹا ڈسٹری بیوشن مراکز وزٹ کرتے ہیں تو ان کو فی خاندان ایک 10 کلو کا تھیلہ مفت دیا جائے گا۔

پیکیج کے تحت صرف چینی، آٹا اور گھی پر شناختی کارڈ دکھانا ہو گا۔ دیگر اشیا کی خریداری کے لیے کوء شرائط لاگو نہیں ہے۔