’ہاؤس آف دی ڈریگن‘ کا دوسرا سیزن کب ریلیز ہوگا
کہا جارہا ہے کہ ہاؤس آف ڈریگن کا تیسرا سیزن بھی پیش کیا جائے گا
امریکی چینل ایچ بی او میکس کی سیریز 'ہاؤس آف ڈریگن' کے دوسرے سیزن کی شوٹنگ کا آغاز کر دیا گیا ہے۔
غیر ملکی خبر رساں ادارے کی رپورٹ کے مطابق اس بلاک بسٹر سیریز کی شوٹنگ برطانیہ میں کی جارہی ہے جو کہ 2024 تک شائقین کیلئے پیش کی جائے گی۔
کہا جارہا ہے کہ دوسرے سیزن میں پہلے سیزن کی طرح 8 کے بجائے 6 قسطیں ہوں گی ایچ بی او کی ایک ترجمان نے غیر ملکی میڈیا کو بتایا کہ سیزن 2 میں دو اقساط کم کرنے کا فیصلہ اسٹوری کو دیکھتے ہوئے کیا گیا ہے۔
دوسری جانب یہ بھی کہا جارہا ہے کہ ہاؤس آف ڈریگن کا تیسرا سیزن بھی پیش کیا جائے گا تاہم یہ کب ریلیز ہوگا اس حوالے سے ابھی کوئی معلومات فراہم نہیں کی گئی ہیں۔
یاد رہے کہ 'ہاؤس آف ڈریگن' مشہورِ زمانہ سیریز 'گیم آف تھرونز' کا پریکوئیل ہے جس میں ٹارگیریئن خاندان کی حکومت کے آغاز کی کہانی فلمائی گئی ہے ان دونوں ہی سیریز کو مداحوں کی جانب سے بے حد پسند کیا گیا ہے۔