پنجاب پولیس کی موبائل ایپ کے ذریعے خاتون کو ہراساں کرنے والا گرفتار

ملزم نے گلبرگ بس اسٹاپ پر لڑکی کو زبردستی بائیک پر بٹھانے کی کوشش کی

---

خواتین کا تحفظ پنجاب پولیس کی اولین ترجیح ہے۔

پولیس نے پنجاب پولیس ویمن سیفٹی ایپ کی مدد سے خاتون کو چھیڑنے والا ملزم گرفتار کرلیا۔ ملزم نے گلبرگ بس اسٹاپ پر لڑکی کو زبردستی بائیک پر بٹھانے کی کوشش کی۔ لڑکی کے بارہا انکار کے باوجود لڑکا موٹر سائیکل پر بیٹھنے کیلئے اصرار کرتا رہا۔

متاثرہ لڑکی نے ویمن سیفٹی ایپ لائیو چیٹ فیچر کے ذریعے سیف سٹیز اتھارٹی میں رابطہ کیا ۔ اتھارٹی نے پولیس ریسپانس یونٹ کو لڑکی کی مدد کیلئے روانہ کیا۔ پولیس نے چند منٹوں میں لوکیشن پر پہنچ کر ملزم کو گرفتار کر لیا۔

ایس پی سیف سٹیز کا کہنا ہے کہ خواتین کی بروقت رہنمائی اور فوری امداد کیلئے ویمن سیفٹی ایپ ایک بہترین ذریعہ ہے، ڈھائی لاکھ سے زائد خواتین پنجاب پولیس ویمن سیفٹی ایپ انسٹال کر چکی ہیں، خواتین اپنا تحفظ یقینی بنانے کیلئے پنجاب پولیس ویمن سیفٹی ایپ ضرور انسٹال کریں۔

[video width="1280" height="720" mp4="https://c.express.pk/2023/03/whatsapp-video-2023-03-31-at-9.01.51-am-1680258423.mp4"][/video]