شعیب ملک کی بیٹے کے ساتھ ’بیڈمنٹن‘ کھیلنے کی ویڈیو وائرل
شعیب ملک نے اذہان مرزا ملک کے ساتھ ٹینس کھیلنے کی ویڈیو سماجی رابطے کی سائٹ پر شیئر کی
March 31, 2023
قومی ٹیم کے سابق کپتان شعیب ملک کی اپنے بیٹے اذہان کے ساتھ ٹینس کھیلنے کی ویڈیو سامنے آگئی۔
اذہان مرزا ملک کے ساتھ ٹینس کھیلنے کی ویڈیو شعیب ملک نے سماجی رابطے کی سائٹ ٹویٹر پر شیئر کی گئی۔
شعیب ملک نے اس ویڈیو کے ساتھ دلچسپ کیپشن 'کرکٹ + ٹینس = بیڈمنٹن' ۔
شعیب ملک اور ثانیہ مرزا کی علیحدگی کی خبروں کے بعد سے بھارت کی سابق ٹینس اسٹار اپنے صاحبزادے کے ساتھ تصاویر شیئر کررہی تھیں جس سے تاثر مل رہا تھا کہ اذہان مرزا ملک اپنی والدہ کے ساتھ ہے۔
شعیب ملک کی جانب سے یہ ویڈیو شیئر کرنے کا مقصد علیحدگی کی تردید بھی ہوسکتا ہے تاہم ابھی تک یہ واضح نہیں ہوسکا کہ وہ کس ملک اور شہر میں اپنے بیٹے کے ساتھ ٹینس کھیل رہے ہیں۔
ویڈیو کے پس منظر میں کچھ لوگوں کی آوازیں بھی آرہی ہیں جو اذہان کی حوصلہ افزائی بھی کررہے ہیں۔