نیتا مکیش امبانی کلچرل سینٹر میں ہالی ووڈ اور بالی ووڈ سُپر اسٹارز کے جلوے
سوشل میڈیا پر بالی ووڈ اور ہالی ووڈ کے سُپر اسٹارز کی ملاقات کی تصاویر وائرل ہو رہی ہیں
نیتا مکیشن امبانی کلچرل سینٹر میں فیسٹیول کا انعقاد کیا گیا جس میں بھارتی فنکاروں سمیت غیر ملکی فنکاروں نے بھی بڑی تعداد میں شرکت کی۔
اس تقریب کے دوسرے روز بالی ووڈ کنگ شاہ رخ خان اور سلمان خان نے ہالی ووڈ اداکار ٹام ہالینڈ اور اداکارہ زینڈیا سے ملاقات کی اور ان کے ساتھ تصاویر بھی بنوائیں جو سوشل میڈیا کی زینت بنی ہوئی ہیں۔
یہی نہیں بلکہ اس تقریب میں امریکی سپر ماڈل جی جی حدید بھی شریک ہوئیں اور ورون دھون کے ساتھ اسٹیج پر بالی ووڈ اسٹائل میں انٹری دے کر خوب داد سمیٹی۔
View this post on Instagram
A post shared by Shah Rukh Khan (@srkking555)
فیسٹیول کے دوران بالی ووڈ کنگ شاہ رخ خان نے اپنی بلاک بسٹر فلم 'پٹھان' کےمشہور گانے 'جھومے جو پٹھان' پر رنویر سنگھ اور ورون دھون کے ساتھ ڈانس بھی کیا جس کی ویڈیو سوشل میڈیا پر خوب وائرل ہو رہی ہے۔
رنگارنگ فیسٹیول میں ایشوریا رائے، کرینہ کپور کرشمہ کپور، دیپیکا پڈوکون رنویر سنگھ، عالیہ بھٹ رنبیر کپور، شاہد کپور، ورون دھون سلمان خان شاہ رُخ خان، گوری خان آریان خان اور ہالی ووڈ انڈسٹری کے نامور اداکاروں، ٹام ہالینڈ آسکر ایوارڈ یافتہ امریکی اداکارہ زینڈیا اور گگی حدید سمیت دیگر نے شرکت کی اور فیشن کے جلوے بکھیرے۔
View this post on Instagram
A post shared by Shah Rukh Khan Universe (@srkuniverse)
ستاروں سے جگمگاتی ان تقریبات میں مداحوں کو بالی ووڈ اور ہالی ووڈ کے اداکاروں کو ایک ساتھ دیکھنے کا موقع ملا جس پر انہوں نے خوشی کا اظہار کیا ہے۔
یاد رہے کہ ممبئی میں نیتا مکیش امبانی کلچرل سینٹر کی جانب سے منعقد فیسٹیول میں بھارتی فلم انڈسٹری اور ہالی ووڈ فلم انڈسٹری کے فنکار ایک چھت تلے بھارتی ثقافت کے رنگوں سے بھرپور ایونٹ میں شرکت کیلئے اکھٹا ہوئے ہیں جس کے سوشل میڈیا پر خوب چرچے ہو رہے ہیں۔